Trichy News, Tamilnadu News, Politics News TrichyXpress.com

மத்திய நிதியமைச்சர் நிர்மலா சீதாராமன் பேசுவது போன்ற வீடியோவை நம்பி ௹ .49 லட்சத்தை இழந்த ஓய்வு பெற்ற அரசு ஊழியர்கள்

0

'- Advertisement -

மத்திய நிதியமைச்சர் நிர்மலா சீதாராமன் பேசுவது போன்ற வீடியோவை நம்பி ௹ 49 லட்சத்தை இழந்த ஓய்வு பெற்ற அரசு ஊழியர்கள்

Ad banner

திருச்சியில் ஓய்வுபெற்ற பெண் அரசு ஊழியரின் மனைவிடம் ரூ.49.03 லட்சம் ஆன்லைன் மோசடி

திருச்சி சைபர் கிரைம் போலீசார் விசாரணை

 

​மத்திய நிதியமைச்சர் பேசுவது போன்ற போலியான வீடியோவைக் கண்டு நம்பி, ஓய்வுபெற்ற அரசு ஊழியரின் மனைவியிடம் ரூ.49 லட்சத்து 3 ஆயிரம் மோசடி செய்த மர்ம நபர்கள் குறித்து சைபர் கிரைம் போலீசார் வழக்குப்பதிவு செய்து விசாரணை நடத்தி வருகின்றனர்.

 

திருச்சியை சேர்ந்த ​61 வயது மதிக்கத்தக்க மூதாட்டி. இவரும் இவரது கணவரும் ஓய்வுபெற்ற அரசு ஊழியர்கள் ஆவர். இருவரும் ஓய்வூதியம் பெற்று வருகின்றனர்.

​ கடந்த ஜூலை மாதம் 2-ஆம் தேதி மதியம் 2 மணி அளவில் அப்பெண் பேஸ்புக் பார்த்துக் கொண்டிருந்தபோது, மத்திய நிதியமைச்சர் பேசுவது போன்ற வீடியோ ஒன்றைக் கண்டுள்ளார். அதில் வந்த தகவலை நம்பி தனது விவரங்களை பதிவேற்றம் செய்துள்ளார். 

​ இதையடுத்து அவரைத் தொடர்பு கொண்ட மர்ம நபர்கள், தாங்கள் மத்திய அரசின் நிதித் துறையின் முதலீட்டு ஆலோசகர்கள் என அறிமுகப்படுத்திக் கொண்டு, ஆன்லைன் மூலம் முதலீடு செய்தால் அதிக லாபம் கிடைக்கும் என ஆசை வார்த்தை கூறியுள்ளனர்.

​ அவர்களின் பேச்சை நம்பி, கடந்த ஜூலை 2 ஆம் தேதி முதல் அக்டோபர் 30-ஆம் தேதி வரையிலான காலகட்டத்தில், தனது கணவரின் வங்கி கணக்கில் இருந்து பல்வேறு தவணைகளாக மொத்தம் ரூ.49,03,000 பணத்தை மர்ம நபர்கள் கூறிய வங்கி கணக்குகளுக்கு அனுப்பியுள்ளார்.

​ முதலீடு செய்த பணத்தைத் திரும்ப எடுக்க முயன்றபோது, பணத்தை எடுக்க முடியாததால் தாம் ஏமாற்றப்பட்டதை உணர்ந்தார். இதுகுறித்து புகாரின் பேரில் திருச்சி சைபர் கிரைம் போலீசார் வழக்குப்பதிந்து விசாரணை மேற்கொண்டு வருகின்றனர்

'- Advertisement -

Leave A Reply

Your email address will not be published.