திருச்சி : நிப்பான் பெயிண்ட் இந்தியா தமிழ்நாட்டில் NEO Homes வலையமைப்பை விரிவுபடுத்தி வருகிறது.

'- Advertisement -

தமிழ்நாட்டில் NEO Homes வலையமைப்பை விரிவுபடுத்தும் நிப்பான் பெயிண்ட் இந்தியா

திருச்சி : நிப்பான் பெயின்ட் இந்தியா, திருச்சி மற்றும் தஞ்சையில் நான்கு புதிய NEO ஹோம்ஸ் அனுபவ சில்லறை விற்பனைக் கடைகளை திறந்து, தமிழ்நாட்டில் தனது சில்லறை வர்த்தக வலையமைப்பை விரிவுபடுத்தியுள்ளது. திருச்சியில் சுப்ரீம் பெயிண்ட்ஸ் & ஹார்டுவேர் மற்றும் NA டிரேடர்ஸ், தஞ்சையில் புஷ்பம் ஹார்ட்வேர் மற்றும் VS எண்டர்பிரைசஸ் ஆகியவற்றுடன் இணைந்து இந்தக் கடைகள் தொடங்கப்பட்டுள்ளன.

இதன் மூலம் நிப்பான் பெயின்ட் இந்தியாவின் NEO ஹோம்ஸ் வலையமைப்பு நாடு முழுவதும் 26 கடைகளாக விரிவடைந்துள்ளது.

NEO ஹோம்ஸ் கடைகள் நிப்பான் பெயின்ட் இந்தியாவின் அலங்காரப் பொருட்கள், வண்ணத் தீர்வுகள், பெயிண்டிங் நிபுணத்துவம் மற்றும் ஓவியக் கருவிகளை ஒரே இடத்தில் வழங்குகின்றன. வீட்டு உரிமையாளர்கள் மற்றும் தொழில்முறை நிபுணர்கள், நிபுணர்களின் வழிகாட்டுதலுடன் தங்களுக்குத் தேவையான தயாரிப்புகள், வண்ணங்கள் மற்றும் தீர்வுகளை நேரடியாக ஆராய்ந்து தேர்வு செய்யும் வகையில் இந்தக் கடைகள் வடிவமைக்கப்பட்டுள்ளன. இதன் மூலம் பெயிண்ட் மற்றும் வண்ணத் தேர்வு முதல் வீட்டு புதுப்பிப்பு வரை வாடிக்கையாளர்களுக்கு எளிமையான, ஈடுபாடு மிக்க மற்றும் தகவலறிந்த அனுபவம் கிடைக்கிறது.

இந்த விரிவாக்கம் குறித்து கருத்து தெரிவித்த நிப்பான் பெயின்ட் இந்தியாவின் அலங்கார வணிகப் பிரிவின் தலைவர் மார்க் டைட்டஸ், தமிழ்நாட்டில் ஏற்கனவே வலுவான சந்தை இருப்பைக் கொண்டுள்ள நிறுவனத்தின் அடுத்தகட்ட வளர்ச்சியில், நுகர்வோர் தங்கள் வீடுகளுக்கான வண்ண அலங்கார முடிவுகளை எடுக்கும் தருணத்தில் அவர்களுடன் நெருக்கமாக இணைவதே முக்கிய நோக்கம் எனத் தெரிவித்தார். 26 NEO ஹோம்ஸ் கடைகளை எட்டியிருப்பது முக்கிய மைல்கல்லாகும் என்றும், அதிக வளர்ச்சி வாய்ப்புள்ள சந்தைகளில் தொடர்ந்து முதலீடு செய்து, டீலர் கூட்டாளர்களுடனான கூட்டாண்மைகளை வலுப்படுத்தி, நாடு முழுவதும் நிப்பான் பெயின்ட் அனுபவத்தை நுகர்வோருக்கு மேலும் எளிதாக அணுகக்கூடியதாக மாற்ற நிறுவனம் தொடர்ந்து செயல்படும் என்றும் அவர் கூறினார்.