திருச்சியில் கத்தி முனையில் பணம் பறித்த 2 பேர்,மோட்டார் சைக்கிள் திருடன் உள்ளிட்ட 3 பேர் கைது.

திருச்சி தென்னூர் பஸ் நிறுத்தத்தில்
கத்திமுனையில் வாலிபரிடம் ரூ 5 ஆயிரம் பறித்த
2 கொள்ளையர்கள் கைது.

திருச்சி தென்னூர் குப்பாங்குளத்தை சேர்ந்தவர் செல்வகுமார். இவரது மகன் சிவகுமார். (வயது 20 ).இவர் தென்னூர் அரசமரம் பஸ் நிறுத்தத்தில் நின்று கொண்டிருந்தார். அப்போது அங்கு வந்த வாலிபர்கள் 2 பேர் கத்திமுனையில் இவரை மிரட்டி அவரிடம் இருந்த 5 ஆயிரம் பணத்தை பறித்து விட்டு தப்பி சென்று விட்டனர்.

இது குறித்த புகாரின் பேரில் தில்லை நகர் போலீஸ் இன்ஸ்பெக்டர் வேல்முருகன் வழக்குப்பதிவு செய்து, குருமூர்த்தி, ராஜசேகர் ஆகிய 2 பேரை கைது செய்தார்.

குருமூர்த்தி மீது இரண்டு வழக்குகளும், ராஜசேகர் மீது ஒரு வழக்கும் ஏற்கனவே நிலுவையில் உள்ளது என்பது குறிப்பிடத்தக்கது,

இதேபோல் திருச்சி உறையூரில் மோட்டார் சைக்கிள் திருடியதாக அருள் ராஜ் (வயது 27 )என்பவரை உறையூர் குற்றப்பிரிவு போலீசார் கைது செய்தனர். அவரிடமிருந்து இருசக்கர வாகனம் பறிமுதல் செய்யப்பட்டது.