Trichy News, Tamilnadu News, Politics News TrichyXpress.com

உள்ளாட்சி தேர்தல். திமுகவின் 8ம் கட்ட வேட்பாளர் பட்டியல் வெளியீடு.

0

 

தமிழகத்தில் 21 மாநகராட்சிகள், 138 நகராட்சிகள், 490 பேரூராட்சிகள் என 649 நகர்ப்புற உள்ளாட்சி அமைப்புகளுக்கு தேர்தல் அறிவிக்கப்பட்டுள்ளது. அதன்படி ஒரேகட்டமாக தேர்தல், பிப்ரவரி 19-ம் தேதி நடைபெற உள்ளது. பிப்ரவரி 22-ம் தேதி வாக்கு எண்ணிக்கை நடைபெற உள்ளது.

கடந்த ஜனவரி 28-ம் தேதி தொடங்கிய வேட்புமனுத் தாக்கல் பிப்ரவரி 4-ம் தேதி நாளையோடு நிறைவடைகிறது. வேட்புமனு பரிசீலனை பிப்ரவரி 5 ஆம் தேதி நடைபெறும். வேட்புமனுக்களை திரும்பப் பெற பிப்ரவரி 7 ஆம் தேதி வரை கால அவகாசம் வழங்கப்பட்டுள்ளது.

வேட்புமனுத் தாக்கல் செய்ய இன்னும் ஒரு நாள் மட்டுமே உள்ள நிலையில் அனைத்து கட்சிகளும் வேட்பாளர்களை இறுதி செய்யும் பணிகளில் தீவிரம் காட்டி வருகின்றன. அந்தவகையில், திமுக நேற்று 6 மற்றும் 7-ம் கட்ட வேட்பாளர் பட்டியலை வெளியிட்டிருந்தது.

இந்த நிலையில் நகர்ப்புற உள்ளாட்சித் தேர்தலுக்கான 8-ம் கட்ட வேட்பாளர்கள் பட்டியலையும் வெளியிட்டுள்ளது.

இந்த 8-ம் கட்ட வேட்பாளர்கள் பட்டியலில் விழுப்புரம், கடலூர், புதுக்கோட்டை, ஆகிய மாவட்டங்களில் நகராட்சி மற்றும் பேரூராட்சிகளுக்கான வேட்பாளர்கள் அறிவிக்கப்பட்டுள்ளனர். திருவள்ளூர், மேட்டுப்பாளையம், சிதம்பரம் நகராட்சிகளுக்கான வேட்பாளர்கள் அறிவிக்கப்பட்டுள்ளனர். மேலும் ஆவடி, கோவை, ஈரோடு, கடலூர் மாநகராட்சிகளின் வேட்பாளர்கள் அறிவிக்கப்பட்டுள்ளனர்.

நகர்ப்புற உள்ளாட்சித் தேர்தலில் திமுக கூட்டணிக் கட்சியான காங்கிரஸ் கட்சிக்கு சென்னை மாநகராட்சியில் 17 வார்டுகள் ஒதுக்கப்பட்டுள்ளன. மேலும் விடுதலை சிறுத்தைகள் கட்சிக்கு 6 வார்டுகள் ஒதுக்கப்பட்டுள்ளன.

Leave A Reply

Your email address will not be published.