தமிழகத்திலேயே முதல் முறையாக திருச்சியில் அரசு சித்தா கொரோனா புத்துணர்வு மையம் தொடக்கம்

திருச்சி காஜா மலையில் உள்ள பாரதிதாசன் பல்கலைக் கழக வளாகத்தில் தமிழகத்தில் முதன்முறையாக கொரோனா நோயாளிகளுக்கான 200 படுக்கை வசதிகளுடன் கூடிய அரசு சித்தா கொரோனா புத்துணர்வு மையம் ஆரம்பிக்கப்பட்டது .

இப்புத்துணர்வு மையத்தை நகர்ப்புற வளர்ச்சி மற்றும் உள்ளாட்சித் துறை அமைச்சர் கே.என் .நேரு மற்றும் பள்ளிக்கல்வித் துறை அமைச்சர் அன்பில் மகேஷ் பொய்யாமொழி திறந்து வைத்தனர் .

பயனாளியின் அறிகுறிகளுக்கேற்ப சித்த மருந்துகளான தாளிசாதி சூரணம் , அமுக்கரா சூரணம் , நெல்லிக்காய் லேகியம் , காய்ச்சலுக்கு பிரம்மானந்த பைரவ மாத்திரை , சளி , இருமலுக்கு தாளிசாதி வடகம் , ஆடாதோடை மணப்பாகு , தலைவலிக்கு நீர்க்கோவை மாத்திரை , பெயின் பாம் , நுகர்வுத் தன்மைக்கு ஓமப்பொட்டணம் , உடல்வலிக்கு விஷ்ணு சக்கர மாத்திரை போன்ற மருந்துகள் கொடுக்கப்பட இருக்கின்றன .

மேலும் இவ்வளாகத்தில் மன கவலையைப் போக்க பாரம்பரிய விளையாட்டுகளை நினைவு படுத்தும் வகையில் அமைக்கப்பட்டுள்ளன . பயனாளிகள் கொரோனா மையத்தில் நேரிடையாக அனுமதிக்கப்பட மாட்டாது . அவர்கள் யாரும் சித்தா திருச்சி கி.ஆ.பெ. விஸ்வநாதம் மருத்துவக்கல்லூரி மருத்துவமனை வளாகத்திற்கு சென்று முறையாக பதிவு பெற்று பின்பு புத்துணர்வு மையத்திற்கு அனைத்து பரிசோதனையின் முடிவுகளை மருத்துவர் பரிந்துரை கடிதத்தை கொரோனா சித்தாகொண்டு எடுத்துக் பயனாளிகளுக்கு வருமாறு அறிவுறுத்தப்படுகிறார்கள் .
இந்நிகழ்வில் மாவட்ட ஆட்சியர் திவ்யதர்ஷினி. மாவட்ட வருவாய் அலுவலர் பழனிக்குமார் மாநகராட்சி ஆணையர் சிவசுப்ரமணியன் , சட்டமன்ற உறுப்பினர் இனிகோ இருதயராஜ், மாநகராட்சி தலைமை பொறியாளர் அமுதவள்ளி ஆகியோர் கலந்து கொண்டு இவ்விழாவை சிறப்பித்தனர் .

நலம் நாட இக்கொரோனா சித்தா புத்துணர்வு மையத்தை பயன்படுத்திக் கொள்ளுமாறு மாவட்ட சித்த மருத்துவ அலுவலர் டாக்டர்.எஸ்..காமராஜ் கேட்டுக் கொன்டார்.

பாரம்பரிய மருத்துவ த்துடன் இணைந்து அனைவரும் கொரோனா நோயிலிருந்து விடுபட பாடுபடுவோம் . அரசு வழிகாட்டுதலை பின்பற்றுவோம் .