குலசேகரன்பட்டினத்தில் நடைபெற்ற தசரா திருவிழாவில் காரின் கண்ணாடியை உடைத்து, உள்ளே வைக்கப்பட்டிருந்த விலையுயர்ந்த கேமரா மற்றும் லென்ஸ்களைத் திருடிய திருச்சி ராம்ஜி நகர் கொள்ளை கும்பல் கைது

'- Advertisement -

தூத்துக்குடி மாவட்டம் குலசேகரன்பட்டினத்தில் நடைபெற்ற தசரா திருவிழாவைக் காண வந்த கோயம்புத்தூரைச் சேர்ந்த புகைப்படக் கலைஞரின் காரின் கண்ணாடியை உடைத்து, உள்ளே வைக்கப்பட்டிருந்த விலையுயர்ந்த கேமரா மற்றும் லென்ஸ்களைத் திருடிய திருச்சி ராம்ஜி நகர் கொள்ளை கும்பலை காவல்துறையினர் தீவிர விசாரணைக்குப் பிறகு கைது செய்துள்ளனர்.

இச்சம்பவம் அப்பகுதியில் பெரும் பரபரப்பை ஏற்படுத்தியிருந்தது.

கோயம்புத்தூரைச் சேர்ந்த தரணிதரன் என்பவர், உலகப் புகழ்பெற்ற குலசேகரன்பட்டினம் தசரா திருவிழாவைத் தனது கேமராவில் படம்பிடித்து ஆவணப்படுத்துவதற்காக அங்கே சென்றுள்ளார். கடந்த அக்டோபர் 19-ஆம் தேதியன்று தனது காரை குறிப்பிட்ட ஒரு பகுதியில் நிறுத்திவிட்டு திருவிழாக் காட்சிகளைப் பார்ப்பதற்காக அவர் சென்றுள்ளார். சிறிது நேரம் கழித்துத் திரும்பி வந்து பார்த்தபோது, காரின் பக்கவாட்டுக் கண்ணாடி பலமாக உடைக்கப்பட்டிருந்தது கண்டு அவர் கடும் அதிர்ச்சியடைந்தார். உடனடியாகக் காரின் உள்ளே சோதனை செய்தபோது, அங்கு வைக்கப்பட்டிருந்த விலைமதிப்பற்ற கேமரா மற்றும் அதற்குரிய பல்வேறு லென்ஸ்கள் மாயமாகியிருந்தது தெரியவந்துள்ளது.

இது குறித்து பாதிக்கப்பட்ட தரணிதரன் குலசேகரன்பட்டினம் காவல் நிலையத்தில் உடனடியாகப் புகார் அளித்தார். புகாரின் அடிப்படையில் வழக்குப் பதிவு செய்த காவல்துறையினர், அப்பகுதியில் உள்ள சிசிடிவி கேமரா பதிவுகள் மற்றும் கைரேகை தடயங்களைக் கொண்டு தீவிரத் தேடுதல் வேட்டையில் இறங்கினர்.இது குறித்து பாதிக்கப்பட்ட தரணிதரன் குலசேகரன்பட்டினம் காவல் நிலையத்தில் உடனடியாகப் புகார் அளித்தார். புகாரின் அடிப்படையில் வழக்குப் பதிவு செய்த காவல்துறையினர், அப்பகுதியில் உள்ள சிசிடிவி கேமரா பதிவுகள் மற்றும் கைரேகை தடயங்களைக் கொண்டு தீவிரத் தேடுதல் வேட்டையில் இறங்கினர்.

காவல்துறையினர் மேற்கொண்ட துரிதமான விசாரணையில், திருச்சியைச் சேர்ந்த சித்திக், தனபால், விக்கி என்கிற நடராஜன் மற்றும் பிரபாகரன் ஆகிய நான்கு பேரும் இந்தத் திருட்டுச் சம்பவத்தில் ஈடுபட்டுள்ளது உறுதியானது.இவர்கள் நான்கு பேரும் திருச்சி ராம்ஜி நகர் பகுதியில் சேர்ந்தவர்கள் என்பது குறிப்பிடத்தக்கது. இதனையடுத்து, தலைமறைவாக இருந்த அந்த நால்வரையும் காவல்துறையினர் அதிரடியாகக் கைது செய்ததுடன், அவர்களிடமிருந்து திருடப்பட்ட விலையுயர்ந்த கேமரா மற்றும் லென்ஸ்களையும் வெற்றிகரமாக மீட்டனர். தசரா திருவிழாக் கூட்ட நெரிசலைப் பயன்படுத்தி இதுபோன்று தொடர் திருட்டுகளில் ஈடுபட்டு வந்த இந்தக் கும்பல் கைது செய்யப்பட்டுள்ளதாக போலீசார் தெரிவித்துள்ளனர்