திருச்சி மொராய் சிட்டியில் வரும் வெள்ளிக்கிழமை சித் ஸ்ரீ ராமின் இன்னிசை நிகழ்ச்சி.

'- Advertisement -

திருச்சி ஹோலி கிராஸ் பெண்கள் கல்லூரியின் நூற்றாண்டு விழாவையொட்டி நலிவடைந்த கிராமத்தை தத்தெடுத்து அதனை ஸ்மார்ட் கிராமமாக மாற்றுவதற்காக நிதி திரட்டும் வகையில்  இந்த இசை நிகழ்ச்சி நடைபெற உள்ளது.

இந்த இசை நிகழ்ச்சியில் புகழ்பெற்ற திரைப்பட பின்னணி பாடகர் சித் ஸ்ரீராம் கலந்துகொண்டு பல்வேறு மொழிகளில் வெளியான திரைப்பட பாடல்களைப் பாடி திருச்சி மக்களை மகிழ்விக்க உள்ளார்.

இந்த இசை நிகழ்ச்சி வருகிற நவம்பர் மாதம் 18ஆம் தேதி திருச்சி மொராய் சிட்டி வளாகத்தில் நடைபெற உள்ளது. இதற்கான ஏற்பாடுகள் தற்போது நடைபெற்று வருகிறது.

மேலும் இந்த இசை நிகழ்ச்சியை பார்ப்பதற்காக வரும் ரசிகர்களுக்கு 500 ரூபாய், 1000 ரூபாய் .மற்றும் 2000 ரூபாய் விலையில் டிக்கெட்கள் விற்பனை தொடங்கப்பட்டுள்ளது.

மேலும் நிகழ்ச்சிக்கு வரும் பொதுமக்களின் வாகனங்கள் நிறுத்துவதற்காக பார்க்கிங் வசதி செய்யப்பட்டுள்ளது.

இந்த இசை நிகழ்ச்சியை பார்க்க 15,000 மேற்பட்ட ரசிகர்கள் வரக்கூடும் என எதிர்பார்க்கப்படுவதாக தெரிவித்தனர்.

இந்த இசை நிகழ்ச்சிக்கு எல்சிஏ எண்டர்டெயின்மென்ட், அஸ்வின் ஸ்வீட்ஸ், ஆப்பிள் மில்லட், சரவணா எலெக்ட்ரிக்கல்ஸ் மற்றும் மீடியா பார்ட்னர் என்.டிவி ஆகியோர் மெயின் ஸ்பான்சராக உள்ளனர்.