ஐரோப்பா சாரணர் இயக்கத்தின் 100 ஆண்டுகள் நினைவார்த்த அஞ்சல் தலை குறித்த சிறப்பு சொற்பொழிவு நிகழ்ச்சி

By trichyanand On Aug 4, 2026

'- Advertisement -

2007 – ஐரோப்பா சாரணர் இயக்கத்தின் 100 ஆண்டுகள் நினைவார்த்த அஞ்சல் தலை குறித்த சிறப்பு சொற்பொழிவு நிகழ்ச்சி

திருச்சிராப்பள்ளி பிளாட்டலிக் கிளப் சார்பில் ஐரோப்பா சாரணர் இயக்கத்தின் 100 ஆண்டுகள் நினைவார்த்த அஞ்சல் தலை குறித்த சிறப்பு சொற்பொழிவு நிகழ்ச்சி திருச்சியில் நடைபெற்றது.

திருச்சிராப்பள்ளி பிளாட்டலிக் கிளப் செயலர் யோகா ஆசிரியர் விஜயகுமார் துவக்க உரையாற்றினார். தலைவர் லால்குடி விஜயகுமார் தலைமை தாங்கினார். நிறுவனர் நாசர், ஜலால், பிரேம்குமார் உள்ளிட்டோர் முன்னிலை வகித்தனர். அஞ்சல் தலை சேகரிப்பாளர் இளம்வழுதி பேசுகையில்,

2007 ஆம் ஆண்டு உலக சாரணர் இயக்கம் தொடங்கப்பட்டு 100 ஆண்டுகள் நிறைவடைந்ததை முன்னிட்டு, ஐரோப்பிய அஞ்சல் நிர்வாகங்களின் கூட்டமைப்பான PostEurop அறிவித்த EUROPA கருப்பொருளின் கீழ் பல ஐரோப்பிய நாடுகள் சிறப்பு நினைவு அஞ்சல் தலைகளை வெளியிட்டன. அவற்றில் போர்ச்சுகல் வெளியிட்ட “EUROPA – 100 anos do Escutismo” சாரணர் இயக்கத்தின் 100 ஆண்டுகள் அஞ்சல் தலை அஞ்சல் தலை சேகரிப்பாளர்களிடையே பெரும் வரவேற்பைப் பெற்றது.

இந்த அஞ்சல் தலையில் உலக சாரணர் இயக்கத்தின் நிறுவனரான (Robert Stephenson Smyth Baden-Powell, 1857–1941) உருவம் இடம்பெற்றுள்ளது. அவர் ஒரு பிரிட்டிஷ் இராணுவ அதிகாரி மட்டுமல்லாமல், உலகின் மிகப்பெரிய இளைஞர் இயக்கங்களில் ஒன்றான சாரணர் இயக்கத்தை உருவாக்கிய சமூகச் சிந்தனையாளர் ஆவார்.

1907 ஆம் ஆண்டு இங்கிலாந்தின் பிரவுன்சீ (Brownsea) தீவில் 20 சிறுவர்களுடன் நடத்திய முதல் சாரணர் முகாமே உலக சாரணர் இயக்கத்தின் தொடக்கமாகக் கருதப்படுகிறது. அதன் பின்னர் 1908 ஆம் ஆண்டு அவர் எழுதிய “Scouting for Boys” என்ற நூல் உலகம் முழுவதும் சாரணர் இயக்கம் பரவுவதற்கான அடித்தளமாக அமைந்தது. இன்று உலகின் பெரும்பாலான நாடுகளில் கோடிக்கணக்கான சிறுவர்கள் மற்றும் சிறுமியர் சாரணர் மற்றும் வழிகாட்டி (Guides) இயக்கங்களில் பங்கேற்று வருகின்றனர்.

போர்ச்சுகல் வெளியிட்ட இந்த EUROPA அஞ்சல் தலையில் பேடன்-பவுலின் உருவத்துடன் உலக சாரணர் இயக்கத்தின் Fleur-de-lis (லில்லி மலர் வடிவ) சின்னமும், நூற்றாண்டு விழாவைக் குறிக்கும் வடிவமைப்பும் இணைக்கப்பட்டுள்ளன. அஞ்சல் தலையில் “EUROPA – 100 anos do Escutismo” என்ற வாசகமும், €0.61 என்ற முகப்பு மதிப்பும் இடம்பெற்றுள்ளன.

இந்த வெளியீட்டை முன்னிட்டு போர்ச்சுகல் அரசு “Centenário do Escutismo Mundial (1907–2007)” என்ற பெயரில் நினைவு வெளியீடுகளையும், சிறப்பு 5 யூரோ வெள்ளி நினைவு நாணயத்தையும் வெளியிட்டது. இவை உலக சாரணர் இயக்கத்தின் நூற்றாண்டு சாதனையை நினைவுகூரும் முக்கிய வெளியீடுகளாகக் கருதப்படுகின்றன.

ராபர்ட் பேடன்-பவுல் உருவாக்கிய சாரணர் இயக்கம் இளைஞர்களிடம் ஒழுக்கம், தலைமைத்துவம், தன்னம்பிக்கை, இயற்கை நேசம், சமூகப் பொறுப்பு மற்றும் தன்னலமற்ற சேவை ஆகிய உயரிய பண்புகளை வளர்க்கும் நோக்கத்துடன் செயல்படுகிறது. “Be Prepared” எப்போதும் தயாராக இரு என்ற அவரது கொள்கை இன்று உலக சாரணர் இயக்கத்தின் அடையாளமாக விளங்குகிறது.

போர்ச்சுகலின் 2007 EUROPA அஞ்சல் தலை ஒரு அஞ்சல் பயன்பாட்டுப் பொருள் மட்டுமல்ல; உலக இளைஞர் இயக்க வரலாற்றை நினைவூட்டும் அரிய ஆவணமாகவும், உலக சாரணர் இயக்கத்தின் நிறுவனரான ராபர்ட் பேடன்-பவுலுக்கு செலுத்தப்பட்ட உயரிய மரியாதையின் சின்னமாகவும் திகழ்கிறது என்றார்.