விடுதலை சிறுத்தைகள் பேரணியை முன்னிட்டு இன்று திருச்சி மாநகரில் நாம் செல்ல வேண்டிய பாதை …..

'- Advertisement -

இன்று திருச்சி மாநகரில் விடுதலை சிறுத்தை கட்சியின் சார்பில் மாபெரும் பேரணி நடைபெற உள்ளது . மாலை 3 மணி அளவில் ஜமால் முகமது கல்லூரி அருகே இருந்து தொடங்கும் பேரணி திருச்சி மாநகராட்சி அருகே முடிவு பெற உள்ளது .

இதனால், நகரில் போக்குவரத்து மாற்றம் செய்யப்பட்டுள்ளது. கனரக வாகனங்கள் மற்றும் பேருந்துகளின் வழித்தடங்களில் மாற்றம் செய்யப்பட்டுள்ளது. பொது மக்கள் ஒத்துழைப்பு தருமாறு போக்குவரத்து காவல்துறை கேட்டுக்கொண்டுள்ளது.

திருச்சி மாநகரில் விடுதலை சிறுத்தை கட்சியினர் பேரணி காரணமாக போக்குவரத்து மாற்றம் செய்யப்பட்டுள்ளது. பேரணியின் போது வாகனங்கள் மாற்றுப்பாதையில் செல்ல அறிவுறுத்தப்பட்டுள்ளது. கனரக வாகனங்கள், புறநகர் பேருந்துகள் மற்றும் நகர பேருந்துகளின் வழித்தடங்கள் மாற்றியமைக்கப்பட்டுள்ளது.

புதுக்கோட்டை தேசிய நெடுஞ்சாலையில் இருந்து திருச்சி வரும் கனரக வாகனங்கள் மாத்தூர் பரணி ஹோட்டல் ஜங்சனில் இருந்து சுற்றுச்சாலையில் திருப்பி விடப்படும். அவை காவல் சோதனைச் சாவடி-2 வழியாக செல்ல வேண்டும். ஜி-கார்னரில் இருந்து ஏர்போர்ட் மற்றும் புதுக்கோட்டை செல்லும் வாகனங்கள் மன்னார்புரம் மேம்பாலம் வழியாக செல்ல வேண்டும். செட்டியப்பட்டி பாலம், சோதனைச்சாவடி-2 வழியாக புதிய சுற்றுச்சாலைக்கு செல்ல வேண்டும்.

மத்திய பேருந்து நிலையத்தில் இருந்து சென்னை, சேலம், நாமக்கல், தஞ்சாவூர் செல்லும் பேருந்துகள் முத்தரையர் சிலை வழியாக செல்லும். காமராஜர் சிலை, பெரியார் சிலை, அரிஸ்டோ மேம்பாலம், மன்னார்புரம் இ.பி.ஆபிஸ் வழியாக தேசிய நெடுஞ்சாலையில் செல்ல வேண்டும். புதுக்கோட்டையில் இருந்து சென்னை மற்றும் திருச்சி வரும் பேருந்துகள் வயர்லஸ் சாலையில் திருப்பி விடப்படும். கே.கே.நகர், LIC காலனி சந்திப்பு, சுந்தர் நகர், மன்னார்புரம் வழியாக செல்ல வேண்டும்.

பாலக்கரை பகுதியில் இருந்து மத்திய பேருந்து நிலையம் வரும் நகர பேருந்துகள் பாலக்கரை மேம்பாலத்தில் திருப்பி விடப்படும். பீமநகர், நீதிமன்றம், வெஸ்ட்ரி, மாவட்ட ஆட்சியர் அலுவலகம், பெரிய மிளகுபாறை வழியாக செல்ல வேண்டும். மத்திய பேருந்து நிலையத்திலிருந்து பாலக்கரை செல்லும் நகர பேருந்துகள் வெஸ்ட்ரி வழியாக செல்லும். எம்.ஜி.ஆர். சிலை, புத்தூர் 4 ரோடு, சௌத் ஆர்ச், தென்னூர் பாலம் வழியாக செல்ல வேண்டும்.

MGR சிலை ரவுண்டானாவில் இருந்து TVS டோல்கேட் செல்லும் வாகனங்கள் கண்டோன்மென்ட் AWPS சந்திப்பு வழியாக செல்லும். YWCA, வெஸ்ட்ரி, மாவட்ட ஆட்சியர் அலுவலகம், பெரியமிளகுபாறை, அரிஸ்டோ மேம்பாலம், மன்னார்புரம் வழியாக செல்ல வேண்டும். ஜி-கார்னரில் இருந்து ஏர்போர்ட் மற்றும் புதுக்கோட்டை செல்லும் வாகனங்கள் மன்னார்புரம், கே.கே.நகர், வயர்லஸ் சாலை வழியாக செல்ல வேண்டும்.

பேரணி முடியும் வரை பொதுமக்கள் TVS டோல்கேட்டில் இருந்து கண்டோன்மென்ட் AWPS சந்திப்பு சாலையில் செல்வதை தவிர்க்க வேண்டும். மாற்றுப்பாதையில் செல்லுமாறு கேட்டுக் கொள்ளப்படுகிறார்கள் என்று போக்குவரத்து காவல்துறை தெரிவித்து உள்ளது. “பேரணி துவங்கி முடியும் வரை பொதுமக்கள் TVS டோல்கேட்டிலிருந்து கண்டோன்மென்ட் AWPS சந்திப்பு சாலையில் சென்று வருவதை தவிர்த்து, மாற்று வழிப்பாதையில் சென்று வருமாறு கேட்டுக்கொள்ளப்படுகிறது” என அறிக்கையில் கூறப்பட்டு உள்ளது.