திருச்சி: ரேஷன் அரிசி கடத்திய 2 பேர் கைது. 800 கிலோ அரிசியுடன் கார் பறிமுதல்
திருச்சி மாவட்டத்தில் ரேஷன் அரிசி கடத்திய இருவரைப் போலீஸாா் கைது செய்து, 800 கிலோ அரிசி மற்றும் காா் உள்ளிட்டவைகளைப் பறிமுதல் செய்தனா்.
திருச்சி மாவட்ட குடிமைப்பொருள் வழங்கல் குற்றப் புலனாய்வுத் துறை காவல் கண்காணிப்பாளா் (எஸ்பி) சியாமளா தேவி உத்தரவின்பேரில், துணைக் காவல் கண்காணிப்பாளா் வின்சென்ட் மேற்பாா்வையில், தனிப்படை போலீஸாா் ரேஷன் அரிசி உள்ளிட்ட உணவுப்பொருள் கடத்தல்களைத் தடுக்க கடும் நடவடிக்கை மேற்கொண்டு வருகின்றனா்.
இந்நிலையில், குடிமைப்பொருள் வழங்கல் போலீஸாருக்கு சிலா் ரேஷன் அரிசியைக் கடத்திச் செல்வதாகக் கிடைத்த ரகசியத் தகவலின்பேரில், ஞாயிற்றுக்கிழமை காலை மணப்பாறை, தெலுங்கபட்டி, கோட்டப்பட்டி, வீரப்பூா், சின்ன ரெட்டியப்பட்டி, நல்லாம்பிள்ளை ஆகிய பகுதிகளில் ரோந்து சென்றனா்.
மணப்பாறையில் இருந்து தரகம்பட்டி செல்லும் வழியில் வீரப்பூா் அருகே வாகனத் தணிக்கை மேற்கொண்டனா். அப்போது, அந்த வழியாக வந்த வெள்ளை நிற காா் ஒன்று, போலீஸாரைக் கண்டதும், நிறுத்தாமல் தப்பிச்செல்ல முயன்றனா்.
அவா்களை அதிரடியாகச் சுற்றி வளைத்து பிடித்த போலீஸாா், காரில் நடத்திய சோதனையில், 18 பிளாஸ்டிக் பைகளில் 800 கிலோ ரேஷன் அரிசி கடத்தி வந்ததைக் கண்டறிந்தனா். இதையடுத்து அவா்களிடம் நடத்திய விசாரணையில், காரை ஓட்டி வந்தது கரூா் மாவட்டம் இறும்பூதிபட்டியைச் சோ்ந்த ரவீந்திரராஜ் என்பதும், உடன் வந்தவா் மணப்பாறை கரும்புள்ளி பட்டியைச் சோ்ந்த சூரிய பிரகாஷ் என்பதும் தெரியவந்தது.
இதையடுத்து போலீஸாா் இருவரையும் கைது செய்தனா். தொடா்ந்து கடத்தல் அரிசியுடன், காரையும் பறிமுதல் செய்து, நீதிமன்றத்தில் ஆஜா்படுத்தினா்.
