நாளை காலை அஇஅதிமுக பொதுச் செயலாளர் எடப்பாடி பழனிச்சாமி திருச்சி வருகை. அனைவரும் திரளாக பங்கேற்க மாவட்ட செயலாளர் குமார் அழைப்பு

திருச்சி புறநகர் தெற்கு மாவட்ட கழக செயலாளரும் முன்னாள் பாராளுமன்ற உறுப்பினருமான ப. குமார் வெளியிட்டுள்ள அறிக்கையில் கூறியிருப்பதாவது :-

அஇஅதிமுக கழக பொதுச்செயலாளரும் முன்னாள் முதலமைச்சரும், சட்டமன்ற எதிர்க்கட்சி தலைவருமான எடப்பாடி பழனிச்சாமி கீழ்க்கண்ட விவரப்படி திருச்சி வருகை தர உள்ளார்.

19.6.2024, புதன்கிழமை
காலை 6.30மணிக்கு திருச்சி விமான நிலையம் வருகை தருகிறார். பின்னர் தஞ்சை மற்றும் நாகப்பட்டினத்தில் நடைபெற உள்ள  பல்வேறு நிகழ்ச்சிகளில் கலந்து கொண்ட பின் மாலை 6மணிக்கு திருச்சி விமான நிலையத்திலிருந்து சென்னை செல்கிறார்.

அதுசமயம் தலைமை கழக நிர்வாகிகள், முன்னாள் அமைச்சர்கள், முன்னாள் சட்டமன்ற உறுப்பினர்கள், மாவட்ட கழக நிர்வாகிகள், மாவட்ட சார்பு அணி நிர்வாகிகள், ஒன்றிய, நகர, பகுதி, பேரூர், வட்ட, கிளை, வார்டு கழக நிர்வாகிகள் மற்றும் மாவட்ட, நகர, ஒன்றிய, பேரூராட்சி கவுன்சிலர்கள், செயல்வீரர்கள், வீராங்கனைகள், தொண்டர்கள் மற்றும் மகளிரணியினர் அனைவரும் திரளாக கலந்து கொள்ளுமாறு கேட்டுக்கொள்கிறேன் என தெற்கு மாவட்ட செயலாளர் ப. குமார் வெளியிட்டுள்ள அறிக்கையில் கூறியுள்ளார்.