திருச்சி கே.கே.நகரில் பெயிண்டர் வீட்டை உடைத்து நகைகள் கொள்ளை. பழைய குற்றவாளி கைது

திருச்சி கே.கே.நகரில்
பெயிண்டர் வீட்டை உடைத்து நகைகள் கொள்ளை.

திருச்சி கே.கே.நகர் பெரிய குறிஞ்சி நகர் தாமரை தெருவை சேர்ந்தவர் ஞானசேகர். இவரது மகன் ராஜ்குமார் (வயது 32). பெயிண்டர் இவர் தனது வீட்டை பூட்டிவிட்டு காந்தி மார்க்கெட்டுக்கு சென்று விட்டார். பின்னர் திரும்பி வந்து பார்த்தபோது வீட்டின் பூட்டு உடைக்கப்பட்டு கிடந்தது கண்டு அதிர்ச்சி அடைந்தார். உள்ளே சென்று பார்த்தபோது இரண்டு பவுன் தங்கச் செயின், ஒரு ஜோடி வெள்ளி கொலுசு மற்றும் செல்போன் ஆகியவை திருடு போயிருந்தது தெரியவந்தது . இதுகுறித்து கே.கே.நகர் குற்றப்பிரிவு போலீசில் புகார் செய்தார். புகாரின் பேரில் போலீஸ் இன்ஸ்பெக்டர் அம்சவேணி வழக்கு பதிந்து விசாரணை நடத்தி வந்தார்.

இந்நிலையில் இந்த வழக்கு தொடர்பாக கே.கே.நகர் பழனி நகரை சேர்ந்த சதீஷ் என்ற வாலிபரை கைது செய்தனர் .அவர் மீது ஏற்கனவே இரண்டு வழக்குகள் உள்ளது குறிப்பிடத்தக்கது. அவரிடம் இருந்து ஒரு ஜோடி வெள்ளி கொலுசு மட்டும் பறிமுதல் செய்யப்பட்டுள்ளது. தொடர்ந்து போலீசார் விசாரணை நடத்தி வருகின்றனர்.