ஜெயலலிதாவின் 76 வது பிறந்த நாளை முன்னிட்டு திருச்சி மாநகர் மாவட்ட கலைப்பிரிவு சார்பில் மாபெரும் அன்னதானம் மற்றும் நலத்திட்ட உதவிகள்

மறைந்த தமிழக முதல்வர் ஜெயலலிதாவின் 76 வது பிறந்த நாளை முன்னிட்டு தமிழகம் முழுவதும் ஜெயலலிதாவின் திருவுருவப்படத்திற்கு மாலை அணிவித்து மரியாதை செலுத்தியும், நலத்திட்டங்கள் மற்றும் அன்னதானமும் வழங்கப்பட்டு வருகிறது .

திருச்சியிலேயும் ஜெயலலிதாவின் பிறந்தநாள் விழா பிரம்மாண்டமாக கொண்டாடப்பட்டு வருகின்ற நிலையில்

திருச்சி கலைப்பிரிவு மாநகர் மாவட்ட செயலாளர் ஜான் எட்வர்ட் (எ) குமார் தலைமையில் மற்றும் ஏற்பாட்டில் புத்தூரில் நடைபெற்ற நிகழ்ச்சியில் ஜெயலலிதா பேரவை மாநில . துணை செயலாளர் அரவிந்தன் சிறப்பு விருந்தினராக கலந்து கொண்டு அங்கு அமைக்கப்பட்டிருந்த ஜெயலலிதாவின் உருவப்படத்திற்கு மலர் தூவி அஞ்சலி செலுத்தினார் .

பின்னர் அப்பகுதியில் இருந்த பொது மக்களுக்கு மட்டன் பிரியாணி அன்னதானம் ஆக வழங்கப்பட்டது. பள்ளி மாணவ மாணவிகளுக்கு கல்வி உபகரணங்கள் நலத்திட்ட உதவிகளாக வழங்கப்பட்டது .

இந்நிகழ்ச்சியில் ஜங்ஷன் பகுதி செயலாளர் நாகநாதர் பாண்டி, மாவட்ட அம்மா பேரவை துணை தலைவர் திருநாவுக்கரசு, மாவட்ட அமைப்புசாரா ஓட்டுனர் அணி தலைவர் மீனாட்சி சுந்தரம் , 54 ஆவது வட்டப்பிரதி அப்பு என்கிற சுப்பிரமணி, வட்டப்பிரதிநிதி மீசை முருகேசன் மற்றும் திரளான நிர்வாகிகள் மற்றும் அதிமுக தொண்டர்கள் கலந்து கொண்டனர் .