திருச்சி அப்போலோ மருத்துவமனையில் புதிய இருதய அறுவை சிகிச்சை (ஹைபிரிட் கரோனரி ரிவாஸ்குலரைசேஷன்) செய்து சாதனை.

திருச்சி அப்போலோ சிறப்பு மருத்துவமனையில் முதன்முறையாக ஹைபிரிட் கரோனரி ரிவாஸ்குலரைசேஷன் (எச்.சி.ஆர்) சிகிச்சை செய்து சாதனை.

ஹைபிரிட் கரோனரி ரிவாஸ்குலரைசேஷன் (எச்.சி.ஆர்) என்பது ஒரு இதய அடைப்புகளை சரிசெய்யும் சிகிச்சை முறையாகும். இது ஒரு புதிய இருதய அறுவை சிகிச்சையாகும்,

இந்த சிகிச்சையில் சிறந்த முடிவுகளை அடைய இரண்டு அறுவை சிகிச்சைகளை இணைப்பதன் மூலம் நோயாளிக்கு பாரம்பரிய கரோனரி தமனி பைபாஸ் அறுவை சிகிச்சை மற்றும் ஆஞ்சியோபிளாஸ்டிக்கு மாற்றாக இது விளங்குகிறது.

வழக்கமான இதய அறுவை சிகிச்சையைப் போலன்றி, அறுவை சிகிச்சை அனைத்து தமனிகள் அல்லது காலில் இருந்து எடுக்கபட்ட தமனிகள் மற்றும் நரம்புகளை பயன்படுத்தி சிகிச்சை செய்யப்படுகிறது.

இந்த அறுவை சிகிச்சையில் காலில் இருந்து எடுக்கப்படும் நாளம் காலின் மேல் தோலை வெட்டாமல் எண்டோஸ்கோபிகல் முறையில் எடுக்கப்படுகிறது.

இப்போது வரை, நாங்கள் இரண்டு நோயாளிகளுக்கு ஹைப்ரிட் அறுவை சிகிச்சைகள் செய்திருக்கிறோம், முதல் சிகிச்சையில், வெளிநாட்டில் வேலை செய்யும் ஒரு இளைஞருக்கு மேற்கொள்ளப்பட்டது.

கடுமையான தழும்புகள் ஏற்பட்டதால் அவர் மறுசீரமைப்பில் சிரமங்களை எதிர்கொள்வார், அதனால் அவர் கரோனரி ரிவாஸ்குலரைசேஷன் சிகிச்சைக்கு உட்படுத்தப்பட்டார். இரண்டாவது சிகிச்சையில், முதியவர் ஒருவருக்கு செய்யப்பட்டது.

சிஏபிஜி சிகிச்சைக்கு அவர் உடல்நிலை ஒத்துழைக்காததால் மிகவும் பலவீனமாக இருந்தார், எனவே அவர் கரோனரி ரிவாஸ்குலரைசேஷன் சிகிச்சைக்கு வலியுறுத்தப்பட்டார்.

இந்த செயல்முறையை எங்கள் இருதய அறுவை சிகிச்சை நிபுணர் குழு டாக்டர் ஸ்ரீகாந்த் பூமனா, அஸ்வினி, சரவணன், மற்றும் ரோஹிணி மயூர் பாலாஜி தலைமையிலான இருதய மயக்க மருந்து நிபுணர்கள் மற்றும் இருதய நல சிகிச்சை நிபுணர்கள் டாக்டர் காதர் சாஹிப் , ஷியாம் சுந்தர் , ரவீந்திரன் மற்றும் குழந்தைகள் இருதய நல சிகிச்சை நிபுணர் எல்.கே.செந்தில்குமார் ஆகியோர் உதவியுடன் சிகிச்சையளித்தனர் .

கரோனரி ரிவாஸ்குலரைசேஷன் சிகிச்சையை பாரம்பரிய பைபாஸ் அறுவை சிகிச்சைக்கு மாற்றாக நாம் செயல்படுத்த முடியாது. இருதய அறுவை சிகிச்சை நிபுணர்கள் மற்றும் இருதய நல சிகிச்சை நிபுணர்களின் தீவிர ஆலோசனை மற்றும் பரிசோதனைக்கு பிறகு சரியான இதய இரத்தத் தமனி உடற்கூறியல் கொண்ட நோயாளிகளுக்கு மட்டுமே இந்த சிகிச்சை முறை ஏற்றதாக இருக்கும். என்று மூத்த பொது மேலாளர் மற்றும் மருத்துவமனை தலைவர் ஏ. சாமுவேல் கூறினார்.

இந்த சந்திப்பின் போது, மதுரை மண்டல மார்க்கெட்டிங் பிரிவு பொது மேலாளர் கே. மணிகண்டன் நன்றி தெரிவித்தார். அவருடன் மருத்துவ நிர்வாகி டாக்டர் சிவம், ஆர். சங்கீத் ஆகியோர் உடன் இருந்தனர்.