திருச்சியில் சாலையில் திரிந்த மாடு முட்டி முதியவர் சம்பவ இடத்திலேயே பரிதாப பலி.

திருச்சியில் தெருவில் திரிந்த மாடு முட்டியதில் முதியவா் ஒருவா் சம்பவ இடத்திலேயே உயிரிழந்தாா்.

திருச்சி மிளகுபாறை, துலுக்காநத்தமன் கோயில் தெருவைச் சோ்ந்தவா் ப. மருதமுத்து ((84). இவா் திங்கள்கிழமை காலை மிளகுபாறை பகுதியில் உள்ள கடையில் தேநீா் குடிக்கச் சென்றுள்ளாா். அப்போது, தெருவில் திரிந்த மாடுகளில் 2 மாடுகள் முட்டிக் கொண்டிருந்துள்ளன. அந்த வழியாக சென்ற அவா் மாடுகளை விரட்டியுள்ளாா்.

அப்போது, ஒரு மாடு முட்டி தூக்கியெறிந்ததில் கீழே விழுந்த மருதமுத்து தலையில் பலத்த காயமடைந்து சம்பவ இடத்திலேயே உயிரிழந்தாா்.

சம்பவம் குறித்து திருச்சி நீதிமன்ற காவல் நிலைய போலீஸாா் வழக்குப் பதிந்து விசாரணை மேற்கொண்டு வருகின்றனர் .

திருச்சியில் சாலையில் திரியும் மாடு போன்ற விலங்குகளால் பல்வேறு விபத்துக்கள் தொடர்ந்து நடைபெற்று வந்தாலும்  திருச்சி மாநகராட்சி மேயர் இந்த மாதம் இத்தனை மாடுகள் பிடித்து உள்ளோம் என்று அறிக்கையை மட்டும் கூறியுள்ளார் . ஆனால் எவ்வித நடவடிக்கையும் எடுத்ததாக தெரியவில்லை என சமூக ஆர்வலர்கள் கூறுகின்றனர் .