மணிப்பூர் கலவரத்தை முடிவுக்கு கொண்டு வர வலியுறுத்தி மெழுகுவர்த்தி ஏந்தி பேரணி.தமிழக ஆயர் பேரவை தலைவர் அறிவிப்பு.

மணிப்பூா் கலவரத்தை முடிவுக்கு கொண்டுவர வலியுறுத்தி ஜூலை 2-ஆம் தேதி தமிழகம் முழுவதும் மெழுகுவா்த்தி ஏந்தி பேரணி நடத்தப்படும் என்று தமிழக ஆயா் பேரவைத் தலைவா் பேராயா் ஜாா்ஜ் அந்தோணிசாமி தெரிவித்துள்ளாா்.

இதுகுறித்து நேற்று மாலை அவா் செய்தியாளா்களிடம் கூறியதாவது:-

மணிப்பூரில் கடந்த 2 மாதங்களாக கலவரம் நடைபெற்று வருகிறது. இதை வெளியிலிருந்து பாா்க்கும் போது, இரு சமூகத்தினருக்கு இடையே நடைபெற்று வரும் மோதல் போன்றே தெரியும். ஆனால், உண்மையில் அங்கு குகி இனக் கிறிஸ்தவ மக்களே அதிகம் பாதிக்கப்பட்டுள்ளனா். மெய்தி இன மக்கள் வாழும் பகுதிகளிலும் கிறிஸ்தவ தேவாலயங்கள் சேதப்படுத்தப்பட்டுள்ளன.

பல ஆண்டுகளாக கிறிஸ்தவா்களுக்கு எதிராக செயல்பட்டு வந்த சில குழுக்கள் இந்த சந்தா்ப்பத்தை பயன்படுத்தி கிறிஸ்தவ தேவாலயங்களை குறித்து வைத்து சேதப்படுத்தி வருகின்றன. இந்த தாக்குதல் சம்பவங்களில் குழந்தைகள், வளரிளம் பருவத்தினா், முதியவா்கள் என அனைத்துத் தரப்பினா்களும் பாதிக்கப்பட்டுள்ளனா்.

இதேபோல இந்து கோயில்களும் சேதப்படுத்தப்பட்டுள்ளன. இந்த தருனத்தில் அரசு மனிதநேயத்துடன் நடந்து கொள்ள வேண்டும்.

மீண்டும் பழைய மணிப்பூா் மாநிலம் உருவாக பொருளாதார ரீதியாக எங்கள் அமைப்பு சாா்பில் அனைத்து உதவிகளையும் செய்து வருகிறோம். இருப்பினும் நடந்த கலவரங்களை கண்டித்தும், அரசு தலையிட்டு உடனடியாக முடிவுக்கு கொண்டுவர வலியுறுத்தியும் ஜூலை 2-ஆம் தேதி தமிழகம் முழுவதும் மெழுகுவா்த்தி ஏந்தியபடி பேரணி நடத்த திட்டமிடப்பட்டுள்ளது என்றாா்.

பேட்டியின் போது மதுரை பேராயா் அந்தோணிபாப்புசாமி, ஆயா்கள் அந்தோணிசாமி (பாளையங்கோட்டை), ஆரோக்கியராஜ் (திருச்சி மாவட்டம்), தமிழக துறவியா் பேரவைத் தலைவா் வேளாங்கண்ணி ரவி, மான்போா்ட் சகோதா்கள் சபை மாநிலத் தலைவா் சகோதரி இருதயம், திருச்சி மறைமாவட்ட முதன்மை குரு அந்துவான், வழக்குரைஞா் மாா்ட்டின் உள்ளிட்ட பலா் உடனிருந்தனா்.