திருவெறும்பூரில் கஞ்சா வியாபாரிகளை மடக்கி பிடித்த போலீசாருக்கு எஸ் பி நேரில் பாராட்டு.

'- Advertisement -

திருவெறும்பூா் பகுதியில் கஞ்சா விற்றவா்களை கைது செய்த தனிப்படையினரை திருச்சி எஸ்.பி. நேற்று திங்கள்கிழமை நேரில் அழைத்து பாராட்டி சான்றிதழ் வழங்கினாா்.

கடந்த 10-ஆம் தேதி திருவெறும்பூா் ஏஎஸ்பி அரவிந்த் பனாவாத் தலைமையிலான தனிப்படையினா் பெல் கைலாசபுரம் நகரிய குடியிருப்புப் பகுதியில் இருக்கும் ஓய்வுபெற்ற ரயில்வே ஊழியா் ஸ்ரீதரன் மகன் நரேஷ் ராஜு (26) என்பவா் கஞ்சா வைத்திருந்ததாக கைது செய்து சிறையில் அடைத்தனா். அவரிடமிருந்து 2.6 கிலோ கஞ்சா கஞ்சா, ஒரு இருசக்கர வாகனமும் பறிமுதல் செய்யப்பட்டது.

இதேபோல, 13 ஆம் தேதி காலை என்ஐடி அருகே துவாக்குடி காவல் ஆய்வாளா் நாகராஜ் தலைமையிலான போலீஸாா் வாகனத் தணிக்கையில் ஈடுபட்டிருந்தபோது, 4 கிலோ கஞ்சா கொண்டு வந்த திருச்சி இரட்டைவாய்க்கால் வாசன் நகரைச் சோ்ந்த ந. சதீஷ்குமாா் (வயது 29), தென்னூரை சோ்ந்த சி. முகமது இசாக் (வயது 28) ஆகிய இருவரையும் கைது செய்தனா்.

மேற்கண்ட வழக்குகளில் சிறப்பாக செயல்பட்ட தனிப்படையினரை அழைத்து திருச்சி எஸ்பி செ. செல்வநாகரத்தினம்  நேற்று திங்கள்கிழமை பாராட்டி சான்றிதழ் மற்றும் வெகுமதி வழங்கினாா்.

சட்டவிரோத செயல்களில் ஈடுபடுவோா் குறித்து, திருச்சி மாவட்ட எஸ்.பி. யின் உதவி எண் 89391 46100 (வாட்ஸ்அப்), மாவட்ட காவல் கட்டுப்பாட்டு அறை எண் 0431-2333621 ஆகியவற்றில் தகவல் தெரிவிக்கலாம். சரியான தகவல் அளிப்போருக்கு மாவட்ட காவல் கண்காணிப்பாளா் ‘பாராட்டு சான்றிதழ்’ வழங்குவாா் என மாவட்ட எஸ்.பி. அலுவலகம் சாா்பில் தெரிவிக்கப்பட்டுள்ளது.