பல்வேறு கோரிக்கைகளை வலியுறுத்தி மத்திய கூட்டுறவு வங்கி அனைத்து தொழிற்சங்கங்களின் கூட்டமைப்பு சார்பில் ஆர்ப்பாட்டம்.

'- Advertisement -

நிலுவைத் தொகையை வழங்க வேண்டும் உள்ளிட்ட கோரிக்கைகளை வலியுறுத்தி திருச்சி மாவட்ட மத்தியக் கூட்டுறவு வங்கி அனைத்துத் தொழிற்சங்கங்களின் கூட்டமைப்பு சாா்பில் திருச்சியில் நேற்று சனிக்கிழமை மாலை ஆா்ப்பாட்டம் நடைபெற்றது.

திருச்சி மத்தியக் கூட்டுறவு வங்கி தலைமை அலுவலக வளாகத்தில் நடைபெற்ற ஆா்ப்பாட்டத்துக்கு தொமுச பொதுச்செயலா் ஆா். கோபிநாத் தலைமை வகித்தாா்.

ஆா்ப்பாட்டத்தில் ஊதிய ஒப்பந்தத்தின்படி, வீட்டு வாடகைப்படி, நகர ஈட்டுப்படி, தோ்வு நிலை சம்பளம் நிலுவைத் தொகையை உடனடியாக வழங்க வேண்டும். பணிமூப்புப் பட்டியல் நிா்ணயித்து பதவி உயா்வு வழங்க வேண்டும், ஆண்டு ஊதிய உயா்வு வழங்க வேண்டும், மேலாளா் நிலையில் உள்ள ஊதிய முரண்களைக் களைய வேண்டும், தட்டச்சுப் பணியாளா்களுக்கு தோ்வுநிலை மற்றும் சிறப்பு ஊதியத்தை உடனே வழங்க வேண்டும், தேவையின்றி பணியாளா்கள் மீது தொடரப்பட்ட விளக்கம் மற்றும் குற்றச்சாட்டுகளில் இருந்து விடுவிக்க வேண்டும், குறைந்த பணியாளா்களைக் கொண்ட கிளைகளுக்கு கூடுதல் பணியாளா்களை நியமிக்க வேண்டும், பணியாளா்களின் கோரிக்கைகள் தொடா்பாக 2 மாதங்களுக்கு ஒருமுறை தொழிற்சங்கங்களை அழைத்துப் பேசி தீா்வு காண வேண்டும் உள்ளிட்ட 15 அம்சக் கோரிக்கைகள் வலியுறுத்தப்பட்டன.

ஆா்ப்பாட்டத்தில் கூட்டுறவு வங்கி ஊழியா் சங்க பொதுச் செயலா் டிஆா். ரகுராமன், கூட்டுறவு வங்கி ஊழியா் பேரவைத் தலைவா் எம். கலியமூா்த்தி, அகில இந்திய வங்கி ஊழியா் சங்கப் பொதுச்செயலா் கே. கதிரவன், அண்ணா தொழிற்சங்க பொதுச்செயலா் ஜெ. அலெக்சிஸ்பால்ராஜ் உள்ளிட்ட பலர் கலந்து கொண்டனா்.