திருச்சியில் இன்று அரிஸ்டோ மேம்பாலத்தில் அரசு பள்ளி ஆசிரியின் நாலரை பவுன் தாலியை பறித்து சென்ற நபருக்கு வலை

திருச்சி மன்னார்புரம் அருகே பரபரப்பு சம்பவம்

பட்டப்பகலில் பள்ளி ஆசிரியையிடம் 4.5 பவுன் நகை பறிப்பு .

மோட்டார் சைக்கிளில் வந்த மர்ம ஆசாமிக்கு வலைவீச்சு.

திருச்சி கே.கே.நகரில் இருந்து இன்று காலை 6 மணி அளவில் மன்னார்புரம் அரிஸ்டோ மேம்பாலத்தில் இருசக்கர வாகனத்தில் கணவருடன் ரூபி என்ற அரசு பள்ளி ஆசிரியை சென்றார். அப்பொழுது அந்த பகுதியில் இருசக்கர வாகனத்தில் வந்த ஒரு வாலிபர் அருகில் வந்து கணவருடன் இருசக்கர வாகனத்தில் சென்ற ஆசிரியை ருபியின் கழுத்தில் அணிந்து இருந்த 4.5 சவரன் தங்க தாலி சங்கிலியை பறித்துக் கொண்டு மின்னல் வேகத்தில் அங்கிருந்து தப்பி ஓடிவிட்டார்.

இந்த சம்பவம் குறித்து ஆசிரியர் ரூபி கண்டோன்மெண்ட் காவல் நிலையத்தில் புகார் அளித்தார் .

புகாரின் பேரில் போலீசார் வழக்கு பதிவு செய்து ஆசிரியையிடம் நகையை பறித்து சென்ற மர்ம ஆசாமியை வலை வீசி தேடி வருகின்றனர்.