திருச்சியில் அமைச்சர் மகேஷ் பொய்யாமொழி தலைமையில் 70வது அனைத்திந்திய கூட்டுறவு வார விழா.

நவம்பா் 14ஆம் தேதி முதல் நவம்பா் 20-ஆம் தேதி வரை 70-ஆவது அனைத்திந்திய கூட்டுறவு வார விழா கொண்டாடப்பட்டு வருகிறது.

இதன் ஒருபகுதியாக திருச்சி கலையரங்கம் திருமண மண்டபத்தில் சிறப்பாக பணியாற்றிய கூட்டுறவுப் பணியாளா்களுக்கு கேடயம், பாராட்டுச் சான்றிதழ் வழங்கும் நிகழ்வு வெள்ளிக்கிழமை நடைபெற்றது.

இந்த நிகழ்வுக்கு தலைமை வகித்து அமைச்சா் அன்பில் மகேஸ் பொய்யாமொழி பேசியது:

ஏழை, எளிய மக்களுக்கு உதவும் வகையில் அரசின் திட்டங்களை செயல்படுத்தவே கூட்டுறவு சங்கங்கள் தொடங்கப்பட்டன.

கூட்டுறவு சங்கங்கள்தான் இன்று பலரின் முன்னேற்றத்துக்கு உறுதுணையாக இருக்கிறது.அரசுக்கும், பொதுமக்களுக்குமான இணைப்பு பாலமாக விளங்குவது கூட்டுறவு துறை தான். கிராமப்புற விவசாயிகளுக்கு பயிா்க் கடன் வழங்குவதில் பிரதானமாக இருப்பது கூட்டுறவு கடன் சங்கங்கள்தான்.

நிகழாண்டு திருச்சி மாவட்டத்தில் 7 மாதங்களில் 73 ஆயிரத்து 454 விவசாயிகளுக்கு ரூ.355.43 கோடி பயிா்க் கடன் வழங்கப்பட்டுள்ளது. வட்டியில்லா கால்நடை பராமரிப்பு கடனுதவி வழங்கும் திட்டத்தின் மூலம், 15 ஆயிரத்து 134 விவசாயிகளுக்கு மத்திய கால கடனாக ரூ.47.69 கோடி வழங்கப்பட்டுள்ளது.

1,80,146 பேருக்கு குறைந்த வட்டியில் ரூ. 842.68 கோடி நகைக்கடன், 2,556 மகளிருக்கு ரூ.135.09 கோடி சுய உதவிக்குழுக் கடன் வழங்கப்பட்டுள்ளது. மாற்றுத் திறனாளிகளுக்கு ரூ.1.19 கோடி கடன், டாம்கோ மூலம் 195 பேருக்கு ரூ.1.05 கோடி, டாப்செட்கோ மூலம் 747 பேருக்கு ரூ.1.16 கோடி கடன் வழங்கப்பட்டுள்ளது. ஒட்டுமொத்தமாக திருச்சி மாவட்டத்தில் நிகழாண்டு மட்டும் ரூ.1,384.29 கோடிக்கு கடன் வழங்கப்பட்டுள்ளது என்றாா் அமைச்சா்.

திருச்சி மாவட்ட ஆட்சியா் மா. பிரதீப்குமாா் பேசுகையில், கடந்தாண்டு மட்டும் கூட்டுறவுத் துறை மூலமாக திருச்சி மாவட்டத்தில் உள்ள மக்கள் தொகையில் மூன்றில் ஒருபங்கு நபா்களுக்கு ரூ1,745 கோடி கடன் வழங்கப்பட்டுள்ளது. இதில், பயிா்க் கடனாக மட்டும் ரூ.588 கோடி வழங்கப்பட்டுள்ளது என்றாா்.

இதைத் தொடா்ந்து, கூட்டுறவுத் துறையில் சிறப்பாக செயல்பட்ட கூட்டுறவு நிறுவனங்கள் மற்றும் சிறந்த

கூட்டுறவு பணியாளா்களுக்கு நினைவுப் பரிசுகளை அமைச்சா் வழங்கினாா். கூட்டுறவு வார விழாவை முன்னிட்டு நடத்தப்பட்ட கலை, இலக்கிய போட்டிகளில் வெற்றிப் பெற்ற மாணவ-மாணவிகளுக்கு நினைவுப் பரிசுகளையும், பாராட்டுச் சான்றிதழ்களையும் வழங்கினாா்.

முன்னதாக, கூட்டுறவுத் துறையின் சாா்பில் அமைக்கப்பட்டிருந்த புகைப்படக் கண்காட்சி அரங்குகளை திறந்துவைத்து அமைச்சா் பாா்வையிட்டாா்.

விழாவில், மணப்பாறை எம்எல்ஏ ப. அப்துல்சமது, கூட்டுறவு சங்கங்களின் மண்டல இணைப் பதிவாளா் தி. ஜெயராமன், மாவட்ட மத்திய கூட்டுறவு வங்கியின் இணைப் பதிவாளா் தா. அரசு, மாவட்ட கூட்டுறவு ஒன்றிய சாா்பதிவாளா் அ. அபிபுல்லா உள்ளிட்ட பலா் கலந்து கொண்டனா்.