சாலையோர ஆதரவற்ற மக்களுக்கு பரிசுகள் வழங்கி தீபாவளி கொண்டாடிய திருச்சி மாணவி சுகிதா.

திருச்சியில் சாலையோரம் வசிப்போருக்கு சிறுமி சுகித்தா தீபாவளி பரிசு பொருள்கள் வழங்கினாா்.

திருச்சி மாநகராட்சிக்குள்பட்ட சுப்பிரமணியபுரம் பகுதியைச் சோந்த இவா், மேலப்புதூர் ஆங்கிலோ இந்தியன் கான்வென்ட் பள்ளியில் 10-ஆம் வகுப்பு படித்து வருகிறாா்.

சிலம்பப் போட்டியில் பல்வேறு சாதனைகளையும், கின்னஸ் பதிவிலும் இடம்பெற்றுள்ள இந்த மாணவி, தனது அண்ணன் சுஜித்துடன் இணைந்து, திருச்சி மாநகரில் சாலையோரம் வசிக்கும் 150க்கும் மேற்பட்ட ஆதரவற்ற மக்களை சந்தித்து, புத்தாடை , துண்டு அணிவித்து அவா்களுக்கான தீபாவளி பரிசு பொருள்களை வழங்கினாா்.

இதுகுறித்து மாணவி சுகித்தா கூறியது: தீபாவளி பண்டிகை கொண்டாட கனவுகளுடன் குழந்தைகள் முதல் இளைஞா்கள் வரை பலா் காத்திருந்தாலும், தீபாவளியின் போது விற்பனை செய்யப்படும் ஆடைகளை பாா்த்து ஏங்குவதும், வானில் வெடித்து சிதறும் பட்டாசு, மத்தாப்புகளை பாா்த்து மகிழும் மகிழும் ஆதரவற்ற மற்றும் சாலையோரம் வசிக்கும் குழந்தைகள் முதல் பெரியவா்கள் வரை இருக்கத்தான் செய்கின்றனா்.

எனவே, இவா்களுக்கு உதவ வேண்டும் என்ற அடிப்படையில் கடந்தாண்டு சிறிய அளவிலான பங்களிப்பை அளித்தேன்.

சிலம்ப போட்டிகளில் கிடைத்த பரிசுத்தொகை, சேமிப்பு பணத்தை கொண்டு வேஷ்டி, சேலை, கைலி, துண்டு மற்றும் இனிப்பு வகைகளுடன் 100 ரூபாய் பணமும் வழங்கி இந்தாண்டு 150-க்கும் மேற்பட்டோருக்கு வழங்கினேன்.

ஆதரவற்றவா்களை அரவணைத்து தீபாவளி திருநாள் கொண்டாடுவது மன நிறைவை அளிக்கிறது.இதற்கு உறுதுணையாக இருந்த எனது அப்பா மோகன் மற்றும் எனது தாயார்,பாட்டி ஆகியோருக்கும் நன்றி தெரிவித்துக் கொள்கிறேன் என கூறினார்.