அபராத வசூலை அதிகப்படுத்த வேண்டும். போக்குவரத்து காவலர்களுக்கு திருச்சி கமிஷனர் காமினி உத்தரவு.

'- Advertisement -

திருச்சியில் போக்குவரத்து விதிமீறல் அபராத வசூலை மேம்படுத்த வேண்டும் என போக்குவரத்து காவலா்களுக்கு திருச்சி மாநகர காவல் ஆணையா்
காமினி உத்தரவிட்டுள்ளாா்.

திருச்சி மாநகர நவீன காவல் கட்டுபாட்டு அறையை மாநகர காவல் ஆணையா் என். காமினி நேற்று நேரில் பாா்வையிட்டு ஆய்வு செய்தாா். அப்போது, அங்குள்ள சிசிடிவி கேமராக்களின் செயல்பாடுகளை ஆய்வு செய்தாா்.

தொடா்ந்து, அங்கிருந்த போக்குவரத்து பிரிவு காவல் உயரதிகாரிகள் மற்றும் காவலா்களிடம், மாநகர போக்குவரத்து காவல்துறையினரால் போக்குவரத்து விதிமீறல் தொடா்பான வழக்குகள் அதிகமாகப் பதியப்படுகின்றன. ஆனால் அபராத தொகை குறைவாகவே வசூலிக்கப்படுகிறது. இதனை மேம்படுத்த வேண்டும்.

போக்குவரத்து காவலா்கள் வாரத்தில் ஒரு நாள் ஏதாவதொரு வாகனத்தை நிறுத்தி, அந்த வாகனத்தின் மீது வழக்கு ஏதேனும் நிலுவையில் உள்ளதா, அபராத தொகை நிலுவை உள்ளதா? என ஆராய்ந்து அபராதம் செலுத்திய பிறகு வாகனத்தை உரியவரிடம் ஒப்படைக்க வேண்டும்.

பழுதான தடுப்புக் கட்டைகளை மாற்றி, புதிய தடுப்புக் கட்டைகளை பயன்படுத்த வேண்டும். தடுப்புக் கட்டைகளில் விளம்பர நோட்டீஸ் ஒட்டுவதை போக்குவரத்து காவலா்கள் தடுக்க வேண்டும்.

மாநகர காவல்துறை சாா்பில் போக்குவரத்து காவலா்கள் விழிப்புணா்வு நிகழ்ச்சிகளை நடத்த வேண்டும் என அவர் கூறியுள்ளார்.