திருச்சி காட்டூரில் தமிழகத்தின் மிகப்பெரிய ஸ்டெம் கண்டுபிடிப்பு கற்றல் மையம் அமைச்சர் மகேஷ் பொய்யாமொழி தொடங்கி வைத்தார்.

'- Advertisement -

திருச்சி, காட்டூா் ஆதிதிராவிடா் நல பெண்கள் மேல்நிலைப் பள்ளியில் அமெரிக்கன் இந்தியா பவுண்டேஷன் மற்றும் தமிழக பள்ளிக் கல்வித்துறையின் வானவில் மன்றம் இணைந்து ட்ரோன் சாட்டிலைட் ஏவுதல் குறித்த அறிமுக விழா மற்றும் ஸ்டெம் கண்டுபிடிப்பு கற்றல் மையம் தொடக்க விழா ஆகியவை நேற்று நடைபெற்றது. இந்நிகழ்ச்சிக்கு

தலைமை வகித்து, பள்ளிக் கல்வித்துறை அமைச்சா் அன்பில் மகேஸ் பொய்யாமொழி மேலும் பேசியது: தமிழக முதல்வரால் வானவில் மன்றம் என்ற திட்டம் ரூ. 25 கோடி மதிப்பில் தொடங்கப்பட்டு, 710 குழுக்களின் மூலம் சுமாா் 27 லட்சம் மாணவ, மாணவிகள் பயனடையும் வகையில் கற்பிக்கப்படுகிறது. தொழில்நுட்ப வளா்ச்சிக்கேற்ப மாணவா்கள் தங்களை மேம்படுத்திக் கொள்ள வேண்டும்.

படிப்போடு தனித்திறன்களையும் மாணவ, மாணவிகள் வளா்த்துக் கொள்வது அவசியம். நகா்ப்புற மாணவா்கள் மட்டுமல்லாது, கிராமப்புற அரசுப் பள்ளிகளில் பயிலும் மாணவா்களையும் சென்னை ஐஐடி போன்ற கல்வி நிறுவனங்களுக்கு கொண்டு வர வேண்டும். தமிழகத்தில் உள்ள 38 ஆயிரம் பள்ளிகளுக்கும் வானவில் மன்ற திட்டத்தைக் கொண்டு செல்ல வேண்டும். அதற்கான விதையைத்தான் தற்போது விதைத்துள்ளோம் என்றாா்.

விழாவில் சிறப்பு அழைப்பாளராக இஸ்ரோ முன்னாள் திட்ட இயக்குநா் மயில்சாமி அண்ணாதுரை பங்கேற்று பேசியது : வானவில் மன்றம் தமிழகம் முழுவதும் சிறப்பாக செயல்படுகிறது. அரசு, ஆசிரியா், மாணவா், பெற்றோா், ஊடகம் இணைந்து செயல்பட்டால் கல்வியில் சிறந்த நிலையை அடையலாம். ஸ்டெம் திட்டம் தமிழகத்தில் 2 மாவட்டங்களில் செயல்படுகிறது. அனைத்து மாவட்டங்களிலும் செயல்படும்போது நாட்டுக்கு மட்டுமல்ல, உலகத்துக்கே நம் அரசுப் பள்ளிகள் பெருமையாக உயா்ந்து நிற்கும்.

மாணவா்கள் வெற்றி பெறுவதற்கான உயரம் காத்திருக்கிறது. அதனை அடைவதற்கான தகுதியை மாணவா்கள் வளா்த்துக் கொள்ள வேண்டும் என்றாா். தொடா்ந்து ட்ரோன், ராக்கெட் உள்ளிட்ட மாணவா்களின் பல்வேறு படைப்புகளை அவா் பாா்வையிட்டு கலந்துரையாடி, ஆலோசனைகளை வழங்கினாா். முன்னதாக, ஸ்டெம் கண்டுபிடிப்பு, அதன் கற்றல் மையத்தையும் அவா் திறந்து வைத்தாா்.

விழாவில், வானவில் மன்றம் சாா்பில் புராஜெக்டா், மடிக்கணினி (லேப்டாப்) உள்ளிட்ட உபகரணங்கள் கோவை, காஞ்சிபுரம், செங்கல்பட்டு உள்ளிட்ட 8 மாவட்ட முதன்மைக் கல்வி அலுவலா்களிடம் வழங்கப்பட்டது. மாவட்ட முதன்மைக் கல்வி அலுவலா் எம். சிவக்குமாா், அமெரிக்கன் இந்தியா பவுண்டேஷன் டிஜிட்டல் திட்ட தலைமை நிா்வாகி டி. பாஸ்கரன்,மாவட்ட வருவாய் அலுவலர் அபிராமி,ஆசிரியர் மனசு திட்ட ஒருங்கிணைப்பாளர் சதீஷ்,உள்ளிட்ட பலா் கலந்து கொண்டனா்.