திருச்சி:பல்வேறு கோரிக்கைகளை வலியுறுத்தி ஏ.ஐ.டி.யு.சி.உள்ளாட்சி பணியாளர்கள் கண்டன ஆர்ப்பாட்டம்

'- Advertisement -

திருச்சி கலெக்டர் அலுவலகம் அருகே உள்ளாட்சி பணியாளர்கள் பல்வேறு கோரிக்கைகளை வலியுறுத்தி கண்டன ஆர்ப்பாட்டம்.

தமிழ்நாடு முழுவதும் உள்ள உள்ளாட்சி தொழிலாளர்கள், தூய்மை பணியாளர்களின் வேலையை பறிக்கக் கூடாது. ஊதியத்தை பறிக்கக்கூடாது. பணி நிரந்தரம் செய்வது குறித்து பரிசீலிக்கப்படும் என்ற தேர்தல் வாக்குறுதியை நிறைவேற்ற வேண்டும்.

தூய்மை பணியாளர்களின் பணி ஊதியம், ஓய்வூதியம் போன்ற கோரிக்கைகளை உடனடியாக நிறைவேற்ற வேண்டும் .

பழைய ஓய்வூதிய திட்டத்தை மீண்டும் நடைமுறைக்கு கொண்டு வர வேண்டும் .

ஏழாவது ஊதிய குழுவின் கடைநிலை ஊழியருக்கான ஊதியம் உள்ளிட்ட உரிமைகளை வழங்கிட வேண்டும் என்பது உள்ளிட்ட கோரிக்கைகளை வலியுறுத்தி திருச்சி மாவட்ட உள்ளாட்சி தொழிலாளர்கள் ஏ.ஐ.டி.யு.சி சார்பில் கண்டன ஆர்ப்பாட்டம் திருச்சி கலெக்டர் அலுவலகம் முன்பு இன்று நடந்தது.

உள்ளாட்சி ஏ.ஐ.டி.யு. சி மாவட்ட செயலாளர் சுப்பிரமணியன் தலைமை தாங்கினார். திருச்சி மாவட்ட உள்ளாட்சி ஏ.ஐ.டி.யு.சி தலைவர் இந்திரஜித், ஏ.ஐ.டி.யு.சி திருச்சி மாவட்ட பொதுச் செயலாளர் சுரேஷ், மாவட்ட தலைவர் நடராஜா, மாவட்ட பொருளாளர் ராமராஜ் ஆகியோர் சிறப்புரையாற்றினர்.

இந்த ஆர்ப்பாட்டத்தில் சி.பி.ஐ மாவட்ட செயலாளர்கள் ராஜ்குமார்,சிவா, மேற்கு பகுதி செயலாளர் சுரேஷ், முத்துச்சாமி, நிர்வாகிகள் வெங்கராமலு, ஜனசக்தி உசேன்,, முருகன், சப்தரிஷி சந்திர பிரகாஷ், வீரன், மகாமுனி, காமாட்சி, குணசிங், அருள்ராஜ், பொம்மியம்மாள், நதியா, உதயகுமார் உட்பட திரளானோர் கலந்து கொண்டனர்.