திருச்சியில் இன்றைய க்ரைம் செய்திகள்….

1.
திருச்சி கருமண்டபத்தில் டீ கடை சூறை.
6 பேர் மீது வழக்குப்பதிவு

திருச்சி கருமண்டபம் சோதனைச்சாவடி அருகே டீக்கடை நடத்தி வருபவர் ஐயப்பன் இவரது கடை அருகே ஒரு வாலிபரை சிலர் தாக்கிக் கொண்டிருந்தனர். இதைக்கண்ட ஐயப்பன் அங்கு சென்று சண்டையை விலக்கி விட முயன்றார்.
அப்போது ஆத்திரமடைந்த அந்த கும்பல் ஐயப்பனின் டீ கடையை அடித்து நொறுக்கி சூறையாடியது பின்னர் அவர்கள் அங்கிருந்து சென்று விட்டனர். இது குறித்து செசன்ஸ் கோர்ட் போலீசில் ஐயப்பன் புகார் செய்தார். புகாரின்பேரில் ஆனந்தகுமார், கணேசமூர்த்தி, கணேஷ், கார்த்திக், குமரன், ஹேமேஸ்வரன் உள்ளிட்ட 6 பேர் மீது வழக்குப் பதிந்து விசாரணை நடத்தி வருகின்றனர்.

2.
திருச்சி டிவிஎஸ் டோல்கேட்டில்
வயிற்று வலியால் ஒருவர் தூக்குப்போட்டு சாவு .

திருச்சி டிவிஎஸ் டோல்கேட் என் எம் கே காலனி பகுதியை சேர்ந்தவர் ராஜேந்திரன் (வயது 56 )இவருக்கு தீராத வயிற்று வலி இருந்து வந்துள்ளது.
இதனால் விரக்தி அடைந்த அவர் வீட்டில் யாரும் இல்லாதபோது தூக்குப்போட்டு தற்கொலை செய்து கொண்டார்.இது குறித்து கண்டோன்மெண்ட் போலீசார் வழக்குப்பதிந்து விசாரணை நடத்தி வருகின்றனர்.

3
கஞ்சா, சூதாட்டம்:
திருச்சியில் 11 பேர் கைது.

கண்டோன்மெண்ட் பகுதி கலெக்டர் அலுவலக சாலையில் ஒரு ஹோட்டல் அருகே சூதாட்டம் நடப்பதாக போலீசுக்கு தகவல் வந்தது இதையடுத்து இன்ஸ்பெக்டர் நீலகண்டன் தலைமையிலான போலீசார் அங்கு விரைந்து சென்று சூதாட்டத்தில் ஈடுபட்ட 10 பேரை கைது செய்தனர். அவர்களிடமிருந்து ரூ.38 ஆயிரம் பணம் மற்றும் சீட்டு கட்டிகள் பறிமுதல் செய்யப்பட்டன. பின்னர் பேரும் ஜாமீனில் விடுவிக்கப்பட்டனர்.

இதேபோல் திருச்சி காந்தி மார்க்கெட் போலீஸ் சரகம் ராமகிருஷ்ணா மேம்பாலம் பகுதியில் கஞ்சா விற்றதாக துரைராஜ் என்பவரை போலீசார் கைது செய்தனர். அவரிடமிருந்து கஞ்சா பறிமுதல் செய்யப்பட்டது