எப்போதெல்லாம் எந்தெந்த பொருட்களுக்கு எல்லாம் டிமார்ட்டில் அதிக தள்ளுபடி கிடைக்கும் என்பதை தெரிந்து கொள்ளலாம்

'- Advertisement -

மளிகை கடைகளின் வியாபாரத்தை அழித்து இன்று பல குடும்பங்களின் மாதாந்திர ஷாப்பிங் தலமாக மாறியுள்ளது டிமார்ட் .

இந்த டிமார்ட் கடைகளில் குறைந்த விலையில் பொருட்கள் கிடைத்தாலும், சரியான முறையில் ஷாப்பிங் செய்வதன் மூலம் மேலும் பணத்தைச் சேமிக்கலாம் என கூறப்படுகிறது.

டிமார்ட்-ல் (DMart) நீங்கள் அடிக்கடி ஷாப்பிங் செய்வீர்களா? சரியான முறையில் பொருட்களை வாங்கினால், நீங்கள் எதிர்பாராத அளவில் பணத்தைச் சேமிக்க முடியும். டிமார்ட் இன்று பல குடும்பங்களின் மாதாந்திர மளிகை கடையாக மாறியுள்ளது. குறிப்பாக நடுத்தர வர்க்க மக்களுக்கு இது மிகப் பெரிய ஆதாரமாக உள்ளது. சரியான நேரத்தில், சரியான பொருட்களைத் தேர்ந்தெடுத்து வாங்கினால், விலை குறைப்புகளையும் சலுகைகளையும் சிறப்பாகப் பயன்படுத்தி அதிகம் சேமிக்கலாம்.

டிமார்ட் பிரபலமடைந்ததற்குக் காரணம் ‘குறைந்த விலை, நல்ல தரம்’ ஆகும். காய்கறி, உணவுப் பொருட்கள், ஆடை, வீட்டு உபயோகப் பொருட்கள், சுத்தம் செய்யும் பொருட்கள், மின்சாதனங்கள் என ஒவ்வொரு பிரிவிலும் MRP-யை விட குறைவானது விலையில் பொருட்கள் கிடைக்கின்றன.

மேலும், மெட்ரோ நகரங்களிலிருந்து சிறிய நகரங்கள் வரை தனது கடைகளை விரிவுபடுத்தியதால், டிமார்ட் இன்று எல்லோரையும் சென்றடைந்துள்ளது. தீபாவளி, பொங்கல், கிறிஸ்துமஸ் புத்தாண்டு போன்ற பண்டிகை காலங்களில் சிறப்பு சலுகைகள், தள்ளுபடிகள் வழங்கப்படுவதால் வாடிக்கையாளர்கள் பெருமளவில் வருகை தருகின்றனர்.

சரியான நேரத்தில் ஷாப்பிங் செய்வது கூட சேமிப்பை அதிகரிக்க முடியும். சனிக்கிழமையும் ஞாயிற்றுக்கிழமையும் கூட்டம் அதிகமாக இருப்பதால் அப்போது சலுகைகள் குறைவாக இருக்கும். ஆனால் திங்கள் முதல் வெள்ளி வரை காலை அல்லது மதியம் நேரங்களில் சென்றால் குறைந்த கூட்டத்துடன் நல்ல தள்ளுபடிகளைப் பெறலாம். மாதத்தின் நடுப்பகுதி அல்லது இறுதியில் செல்லுவது சிறந்தது, ஏனெனில் அப்போது “ஸ்டாக் கிளியரன்ஸ்” சலுகைகள் அதிகம்.

காலாவதி தேதியைச் சரிபார்க்கவும். லிமிடெட் ஸ்டாக்” என குறிப்பிடப்பட்ட பொருட்கள் அதிக தள்ளுபடியில் கிடைக்கும். ஆனால் அதன் தரத்தை உறுதி செய்யவும். மேலும், டிமார்ட் Ready என்ற ஆன்லைன் தளத்தில் சில நேரங்களில் கிடைக்கும் விலையை விட குறைவாகக் கிடைக்கும். பண்டிகை காலங்களில் அரிசி, எண்ணெய், ஸ்நாக்ஸ், வீட்டு உபயோகப் பொருட்களை மொத்தமாக வாங்குவது சிறந்தது.