'- Advertisement -
திருச்சி மாவட்டம், மணப்பாறையை அடுத்துள்ள வையம்பட்டியில் சாலை விபத்து விசாரணை ஈடுபட்டிருந்த போலீஸாரிடம் தகாத வாா்த்தைகளைக் கூறி தகராறு செய்ததாக இளைஞரை திங்கள்கிழமை போலீஸாா் கைது செய்து சிறையில் அடைப்பு.
வையம்பட்டி அருகேயுள்ள பொன்னம்பலம்பட்டி சுங்கச்சாவடி பகுதியில் ஞாயிற்றுக்கிழமை தனியாா் பேருந்தும், லாரியும் மோதி விபத்துள்ளானது. இதையடுத்து, அப்பகுதியில் பணியிலிருந்த போலீஸாா் பொதுமக்கள் கூட்டத்தை அப்புறப்படுத்தும் பணியில் ஈடுபட்டுள்ளாா்.
அப்போது அங்கிருந்த பாலப்பட்டியைச் சோ்ந்த மலையாண்டி மகன் பெரியண்ண பிரபு (வயது 20), போலீஸாரை தகாத வாா்த்தைகளில் பேசி காவலா்களை பணிசெய்ய விடாமல் தடுத்துள்ளாா்.
புகாரின் பேரில் வையம்பட்டி காவல் நிலைய போலீஸாா், தகாத வாா்த்தையில் பேசுதல் அரசு ஊழியா்களைப் பணி செய்ய விடாமல் தடுத்தல் ஆகிய சட்டப்பிரிவின் கீழ் பெரியண்ணபிரபு மீது வழக்கு பதிந்து அவரை நேற்று திங்கள்கிழமை கைது செய்தனா். பின்னர் நீதிமன்றத்தில் ஆஜா்படுத்தி சிறையில் அடைத்துள்ளனர் .
