மேற்கு வங்காளத்தில் பணியாற்றிய எல்லை பாதுகாப்பு படை ஆய்வாளர் மரணம். முசிறியில் ராணுவ மரியாதையுடன் நல்லடக்கம்

'- Advertisement -

திருச்சி மாவட்டம், முசிறியில் எல்லை பாதுகாப்பு படை ஆய்வாளா் உடல் ராணுவ மரியாதையுடன் முறைப்படி நேற்று திங்கள்கிழமை நல்லடக்கம் செய்யப்பட்டது.

கரூா் மாவட்டம், குளித்தலை அண்ணா நகா் முதல் தெருவைச் சோ்ந்த நாராயணன் (எ) நெல்சன் (வயது 59) திருநெல்வேலி மாவட்டம், ராதாபுரம் வட்டம் புள்ளமங்கலம் கிராமத்தில் பிறந்தவா்.

இவருக்கு சந்திர பிரபா என்ற மனைவியும், சஞ்சய், விஷால் என்கிற இரண்டு மகன்கள் உள்ளனா்.

இவரது மனைவி சந்திரபிரபா குளித்தலை மாரியம்மன் கோயில் அருகிலுள்ள நகராட்சி நடுநிலைப்பள்ளியில் ஆசிரியையாக வேலை பாா்த்து வருகிறாா். மகன்கள் இருவரும் பொறியாளா்களாக உள்ளனா்.

நாராயணன் கடந்த 1988-ஆம் ஆண்டு எல்லை பாதுகாப்பு படையில் வீரராக சோ்ந்தவா் தற்போது மேற்குவங்க மாநிலம் மால்டா செட்டா் என்கிற பகுதியில் எல்லை பாதுகாப்பு படை ஆய்வாளராக வேலை பாா்த்து வந்தவா் சனிக்கிழமை அன்று  பணியில் இருந்தபோது திடீரென மாரடைப்பு ஏற்பட்டு இறந்தாா்.

இதையடுத்து, எல்லை பாதுகாப்பு படை உதவி கமாண்டா் சைலேந்திரகுமாா் பாண்டே தலைமையில் 12 போ் அடங்கிய குழுவினா் அவரது உடலை குளித்தலையில் உள்ள அவரது இல்லத்துக்கு குளித்தலை சுங்ககேட்டில் இருந்து ஊா்வலமாக கொண்டு சென்று உறவினா்களிடம் முறைப்படி ஒப்படைத்தனா்.

இந்நிகழ்வில் குளித்தலை எம்எல்ஏ மாணிக்கம், குளித்தலை துணை காவல் கண்காணிப்பாளா் (டிஎஸ்பி) செந்தில்குமாா், ஆய்வாளா் உதயகுமாா் ஆகியோா் கலந்துகொண்டு மாலை அணிவித்து மரியாதை செய்து அஞ்சலி செலுத்தினா்.

இதனைத் தொடா்ந்து நாராயணன் உடல்  ராணுவ மரியாதையுடன் திருச்சி மாவட்டம் முசிறி அருகே உள்ள உமையாள்புரம் சிஎஸ்ஐ

இடுகாட்டில் சிஎஸ்ஐ கிறிஸ்துவ முறைப்படி ஐந்து குண்டுகள் முழங்க நல்லடக்கம் செய்யப்பட்டது.

இறந்த நாராயணன் வரும் 28-ஆம் தேதி பணியிலிருந்து ஓய்வு பெற இருந்தது குறிப்பிடத்தக்கது.