அரியமங்கலத்தில் பயங்கர திட்டத்துடன் ஆயுதங்களுடன் சுற்றிய 7 ரவுடிகள் கைது .
கொள்ளையடிக்க திட்டமிட்டு இருந்தனர்.
திருச்சி காட்டூர் அம்மன் நகர் பகுதியில் ஒரு காலியிடத்தில் மர்ம கும்பல் நின்று கொண்டு பேசிக் கொண்டிருப்பதாக அரியமங்கலம் போலீசாருக்கு ரகசிய தகவல் கிடைத்தது.
இதையடுத்து அரியமங்கலம் இன்ஸ்பெக்டர் ரமேஷ் தலைமையிலான போலீசார் அங்கு சென்று பார்த்தனர். அப்பொழுது அங்கிருந்த 7 மர்ம நபர்கள் போலீசாரை பார்த்தவுடன் அங்கிருந்து தப்பி ஓட விட்டனர்.
இதையடுத்து போலீசார் அவர்களை விரட்டி சென்று பிடித்து விசாரணை செய்தபோது மேற்கண்ட 7 பேர்களும் ரவுடி என்பதும், இவர்கள் அந்தப் பகுதியில் கொள்ளையடிக்க ஒன்றிணைந்து திட்டமிட்டு பேசிக்கொண்டு இருந்தது தெரிய வந்தது .
இதையடுத்து அரியமங்கலம் போலீசார் வழக்கு பதிவு செய்து காட்டூர் அம்மன் நகர் பகுதியை சேர்ந்த ஹரி கிருஷ்ணன் (வயது 35) அரியமங்கலம் பகுதியை சேர்ந்த ஆகாஷ் குமார் (வயது 21)சூர்யா (வயது 21) மணிகண்டன் (வயது 22) திருவரங்கம் பகுதியை சேர்ந்த சுதர்சன் (வயது 34) கூத்தூர் பகுதியைச் சேர்ந்த ஸ்டீபன் ராஜ் (வயது 24) நவல்பட்டு பகுதியை சேர்ந்த ரசாக் (வயது 40)ஆகிய ஏழு பேரை போலீசார் கைது செய்து அவர்களிடமிருந்து இரண்டு கத்தி கயிறு மற்றும் மிளகாய் பவுடர் பாக்கெட்டுகளை போலீசார் பறிமுதல் செய்துள்ளனர்.
