திருச்சியில் மது போதையில் தகாத வார்த்தைகளால் பேசிய நபரை தட்டிக் கேட்டதால் ஆம்னி கார் கண்ணாடியை உடைத்த வாலிபர் கைது.

திருச்சியில் மது போதையில் கார் கண்ணாடியை உடைத்த வாலிபர் கைது

திருச்சி உறையூர் புத்தூர் பூந்தோட்டத்தைச் சேர்ந்தவர் கவுதம் (வயது 30). இவர் ஆம்னி கார் வைத்துள்ளார். சம்பவத்தன்று புத்தூர் கீழ வண்ணாரப்பேட்டையை சேர்ந்த ராஜ் முஹம்மது (27) என்பவர்‌ மது போதையில் பூந்தோட்டம் பகுதியில் உள்ள கோவில் முன் நின்று தனது நண்பர் காட்டுப்பூச்சி என்பவர் உடன் தகாத வார்த்தைகளில் பேசிக்கொண்டிருந்ததாக கூறப்படுகிறது.

பொது இடத்தில் இவ்வாறு பேசலாமா என கவுதம் கேட்டதற்கு, ராஜ் முகம்மது, கவுதமை தகாத வார்த்தைகள் திட்டி, அவரது ஆம்னி கார் கண்ணாடியை கல்லால் உடைத்துள்ளார்.

இது குறித்து கவுதம் அளித்த புகாரின் பேரில், உறையூர் போலீசார் வழக்கு பதிவு செய்து ராஜ் முகம்மதை கைது செய்தனர்.