விடியா திமுக அரசை கண்டித்து திருச்சி தெற்கு மாவட்ட செயலாளர் குமார் தலைமையில் ஆர்ப்பாட்டம்.

'- Advertisement -

திருச்சி அதிமுக தெற்கு மாவட்ட செயலாளர் ப.குமார் வெளியிட்டுள்ள அறிக்கையில் கூறியிருப்பதாவது:-

அதிமுக பொதுச்செயலாளர், சட்டமன்ற எதிர்கட்சித்தலைவர், முன்னாள் முதலமைச்சர், எடப்பாடி கே.பழனிசாமியின் ஆணைக்கிணங்க,

வீட்டு வரி உயர்வு, மின் கட்டண உயர்வு, சொத்து வரி உயர்வு, குடிநீர் இணைப்பு கட்டண உயர்வு, சட்டம் ஒழுங்கு சீர்கேடு மற்றும் தேர்தல் வாக்குறுதிகளை நிறைவேற்றாமல் தமிழக மக்களை வாட்டி வதைக்கும் விடியா திமுக அரசை கண்டித்து, திருச்சி புறநகர் தெற்கு மாவட்ட கழகம் சார்பில், 25.07.2022 திங்கட்கிழமை காலை 9.30 மணியளவில், மணப்பாறை பெரியார் சிலை அருகில், மாபெரும் கண்டன ஆர்ப்பாட்டம் நடைபெற உள்ளது.

அது சமயம் திருச்சி புறநகர் தெற்கு மாவட்ட கழகத்திற்கு உட்பட்ட மாவட்ட கழக நிர்வாகிகள், ஒன்றிய, நகர, பேரூராட்சி, பகுதி கழக, மற்றும் கிளைக்கழக, வட்ட கழக நிர்வாகிகள், சார்பு அணி மாவட்ட கழக செயலாளர்கள் மற்றும் நிர்வாகிகள் மற்றும் கழகத்தின் அனைத்து நிலைகளில் உள்ள கழக செயல்வீரர், வீராங்கனைகள் அனைவரும் தவறாமல் கலந்து கொள்ளுமாறு அன்புடன் கேட்டுக்கொள்கிறேன் என தெற்கு மாவட்ட செயலாளர் ப.குமார் தனது அறிக்கையில் கூறியுள்ளார்.