திருச்சியில் முதல்வர் ஸ்டாலினின் நெருங்கிய உறவினர் மாவட்டத் தலைவர் ராஜசேகரன் முன்னிலையில் பாஜகவில் இணைந்தார்.

'- Advertisement -

திருச்சியில் முதல்வர் மு.க. ஸ்டாலினின் நெருங்கிய உறவினர் உட்பட மாற்றுக் கட்சியினர் பா.ஜ.க.வில் இணைந்தனர்.

பா.ஜ.க. வர்த்தக பிரிவு திருச்சி மாவட்ட அலுவலகம் முன்பு கட்சி கொடியேற்று விழா மற்றும் மாற்று கட்சியினர் பா.ஜ.க.வில் இணையும் விழா ஆகியவை நடைபெற்றது.

பாஜக மாநில வர்த்தக அணி செயலாளர் எம். பி.முரளிதரன் தலைமை தாங்கினார். மாநில வர்த்தக பிரிவு தலைவர் ராஜ கண்ணன் கட்சி கொடி ஏற்றி வைத்தார்.

இந்நிகழ்ச்சியில் முதலமைச்சர் மு க ஸ்டாலின் மருமகன் சபரீசனின் நெருங்கிய உறவு பெண் அகிலா சூரி, மற்றும் அம்மா மக்கள் முன்னேற்ற கழக பகுதி இணை செயலாளர் ஆர். பரமேஸ்வரன் உள்ளிட்ட 25க்கும் மேற்பட்ட மாற்று கட்சியினர் பாஜகவில்தங்களை இணைத்துக் கொண்டனர்.

இந்த நிகழ்ச்சிகளில் மாவட்டத் தலைவர் ராஜசேகரன், மண்டல் தலைவர் உறையூர் தர்மராஜ், மல்லி செல்வம், வர்த்தகப் பிரிவு சுவேந்திரன், மலைக்கோட்டை மகேந்திரன்,
நிர்வாகிகள் காளீஸ்வரன், தீபக்ரங்கராஜ், தண்டபாணி, சீனிவாசன், ரமேஷ், சுரேஷ், தினகர் உள்ளிட்ட பலர் கலந்து கொண்டனர்.

நிகழ்ச்சிக்கான ஏற்பாடுகளை வர்த்தக அணி மாவட்ட செயலாளர் மகேஸ்வரி சிறப்பாக செய்திருந்தார்.