சிலிண்டர் முன்பதிவு புதிய முறை அமலுக்கு வந்தது

உங்கள் எல்பிஜி சிலிண்டரை உங்கள் வீட்டு வாசலில் வழங்க உங்களுக்கு OTP எனப்படும் ஒரு முறை கடவுச்சொல் தேவைப்படும் என்ற புதிய விதிமுறை நேற்று முதல் அமலுக்கு வந்துள்ளது.

திருட்டுகளைத் தடுக்கவும், சரியான வாடிக்கையாளரை அடையாளம் காணவும் எண்ணெய் நிறுவனங்கள் டெலிவரி அங்கீகாரக் குறியீடு (டிஏசி) என்ற புதிய முறையை செயல்படுத்துகின்றன.

வாடிக்கையாளரின் மொபைல் எண் அப்டேட் செய்யப்படவில்லை என்றாலும், சிலிண்டர் டெலிவரி செய்யும் நபருக்கு வழங்கப்பட்டுள்ள செயலி மூலம், நிகழ்நேரத்தில் புதுப்பித்து புதிய குறியீட்டு எண்ணை உருவாக்க முடியும்.
இந்த முறையை செயல்படுத்துவதன் மூலம், வாடிக்கையாளர்களின் விவரங்கள், அதாவது முகவரி மற்றும் அவர்களின் மொபைல் எண் ஆகியவை தவறாக இருந்தால், அவர்களுக்கு எரிவாயு சிலிண்டரின் விநியோகம் நிறுத்தப்படும். புதிய விநியோக முறைக்கு இணங்குவதில் தோல்வி வாடிக்கையாளர்களுக்கு எதிர்காலத்தில் சிலிண்டர்களை முன்பதிவு செய்வதில் சிக்கல்களை உருவாக்கும்.

அவர்களுக்கு எரிவாயு சிலிண்டர்களை வழங்க முடியாமல் போகலாம். OTP உறுதிப்படுத்தும் வரை விநியோக நபர் எல்பிஜி சிலிண்டரை ஒப்படைக்க மாட்டார். முதலில் 100 ஸ்மார்ட் நகரங்களில் இந்த திட்டம் அமலுக்கு வந்துள்ளது. அதன் பின்னர் மற்ற நகரங்களுக்கும் விரிவுபடுத்தப்படும். வீட்டு பயன்பாட்டுக்கு மட்டுமே இந்த புதிய நடைமுறை பொருந்தும்.. வணிக ரீதியிலான சிலிண்டர்களுக்கு இந்த திட்டம் பொருந்தாது.
இதற்கிடையில், இந்தியன் ஆயில் போன்ற நிறுவனங்கள், வாடிக்கையாளர்களின் வசதியை உறுதி செய்வதற்காக, வாடிக்கையாளர்களுக்கு இண்டேன் எல்பிஜி ரீஃபில் முன்பதிவுக்கு ஒரு பொதுவான எண்ணை வழங்கியுள்ளன. இந்த பொதுவான எண், நாடு முழுவதும் அனைத்து வாடிக்கையாளர்களுக்கும் கிடைக்கிறது. 7718955555 ஐ தொடர்புகொள்வதன் மூலம் வாடிக்கையாளர்கள் எல்பிஜி மறு நிரப்பலை முன்பதிவு செய்யலாம், மேலும் இந்த ஹெல்ப்லைன் 24 × 7 வாடிக்கையாளர்களுக்கு கிடைக்கும்.